Kronikë

Nga

Sokol Dema

Pasditen e sotme është ekstraduar nga Dubai Denis Bajroviç (Bajri), ndaj të cilit GJKKO ka dhënë masën e sigurisë “arrest me burg” në mungesë për vrasje me paramendim në bashkëpunim, grup të strukturuar kriminal dhe armëmbajtje pa leje. Ai u arrestua më 27 shkurt 2024 në Emiratet e Bashkuara Arabe. Pjesë e grupit të Shkodrës, komunikimet e SKY ECC e tradhtuan, SPAK i zbardhi

Nga

Keti Banushi

Me akuzat e korrupsionit, pastrimit të parave, fshehjes së pasurisë dhe futje e sendeve në burg, kryebashkiaku i Tiranës është marrë sot zyrtarisht i pandehur nga SPAK. Akuzat i janë komunikuar në ambientet e paraburgimit të Durrësit, ndërsa bashkëshortes së tij Xoxa statusi i të pandehurit i është njoftuar në SPAK. Gjithsej të pandehur për këtë dosje Report Tv ka mësuar se janë 30, duke përfshirë disa biznesmenë së bashku me kompanitë e tyre.

Zjarri në Dukat në Vlorë, është riaktivizuar sërish, pasi u shua ditën e sotme. Nesër në mëngjes sërish do të shkojnë 40 forca te FA dhe forcat zjarrfikëse për të bërë të mundur shuarjen e tij, ndërkohë që po mbahet në monitorim.

Një automjet tip BMW që po lëvizte me shpejtësi në qytetin e Fushë Arrëzit ka përfunduar në ambientet e një lokali, duke shkaktuar plagosjen e tre grave. Ngjarja ndodhi pasi drejtuesi i mjetit dyshohet se humbi kontrollin dhe përfundoi në muret e lokalit, ku në atë moment ndodheshin 3 gratë të ulura në një nga tavolinat e jashtme.

Plagoset me thikë një 24-vjecar në fshatin Llakatund të Vlorës. Autori ikën nga vendi i ngjarjes. Policia e shpall në kërkim.

"Kemi marrë masa në mënyrë që nesër në orët e para të mëngjesit të kemi dislokim të forcave prej 100 personash në terren".

Një i moshuar është shpëtuar mrekullisht në qytetin e Korçës, pasi shtëpia ku banonte u përpi nga flakët. Siç shihet edhe në këto pamje që ka siguruar Report Tv, banesa është shkrumbuar totalisht, për shkak të një shkëndije elektrike.

Apeli i GJKKO-së ka shpallur sot vendimin lidhur me çështjen penale ndaj 14 të pandehurve të akuzuar për përfshirje në një grup të strukturuar kriminal, të angazhuar në trafikim të narkotikëve. Nga hetimet e SPAK, rezultoi se këta persona ishin pjesë e një grupi kriminal që akuzohet për trafik droge nga Siria e Turqia në Shqipëri dhe më pas në BE. 

Nga

Keti Banushi

Jeton Lami u dënua nga Gjykata e Lezhës, pasi ishte parë nën shoqërinë e Ervis Martinajt, para se ky i fundit të shpallej i zhdukur në gusht të vitit 2022.

SPAK ka dërguar për gjykim 29 të pandehurit, përfshirë pedagogë, staf akademik dhe biznesmenë, të cilët dyshohen për përfshirje në abuzime me tenderat në Universitetin Bujqësor të Tiranës.

Nga

Piro Nase

Një vit pas masakrës me tre të vrarë në Memaliaj, babai i Gledio Mukës nuk gjen qetësi, pasi vrasësit e të birit nuk janë arrestuar.  36-vjeçari ishte kamarier në lokalin e familjes Kalemi dhe mbeti i vrarë aksidentalisht gjatë atentatit mafioz. I ati, Hamza Muka rrëfen me lot në sy, dhimbjen dhe pengun që mbart prej natës së 21 korrikut 2024.

Metani bëri një paraqitje grafike të dinamikës së punës së ILD-së gjatë vitit 2024, duke u ndalur tek funksionet kryesore të institucionit, lidhur me administrimin e trajtimin e ankesave, hetimin e procedimin disiplinor dhe inspektimet.

KPA ka konfirmuar në detyrë prokuroren e Tiranës Armida Hamiti. Kolegji i Posaçëm i Apelimit argumenton në vendim se tërheqja nga kërkesa për shkarkim e prokurorit të SPAK Adnan Xholi, i cili përfaqësonte drejtuesin e SPAK, Altin Dumani në çështjen e vetingut të prokurores së Tiranës, barazohet nga pasojat me heqjen dorë nga ankimi.