Kronikë

Shtypi i ditës për sot, e shtunë 22 Dhjetor 2018, titujt e gazetave kryesore në vend.

Kryebashkiaku i Tiranës, Erion Veliaj ka prezantuar përpara këshillit bashkiak nismën e re, atë të zhvendosjes së lokaleve të striptizmit jashtë zonave të banuara të kryeqytetit. 

Kryetari i Bashkisë së Tiranës, Erion Veliaj zbuloi dje se kreu i Partisë Demokratike, Lulzim Basha, jo vetëm i ka dhënë vetes kur ishte në krye të Bashkisë, leje ndërtimi për shtesë kati në apartamentin ku banon, por për më tepër nuk ka paguar as taksat. Veliaj deklaroi se të hënën Bashës do t'i shkojë gjoba por edhe vendimi për prishjen e shtesës së katit të 13-të

Në momentin që deputeti Klevis Balliu ka marrë megafonin dhe ka nisur të flasë, një nga banorët ka kërkuar që të mos bëhet politikë me pronat e tyre.

Ina Nuka është pritur sot në aeroportin e Rinasit nga familjarë, të afërm dhe zyrtarë të policisë së shtetit. Fjalët e para të Inës ishin se pavarësisht plagëve të rënda që mori në protestën e banorëve të "Astirit" në dy gishtat e dorës, ajo nuk do largohet nga Policia e Shtetit, pasi kjo ka qenë ëndrra e saj.

Tregu ushqimor në Urën Vajgurore është pa asnjë kusht higjieno-sanitar. Tregtarët dhe qytetarët shprehen se tregtimi i produkteve ushqimore nuk është i rregullt, por për shkak të mungesës së një terreni të përshtatshem ata detyrohen të shesin në rrugë. Nga ana tjetër, Bashkia e Urës vajgurore akoma nuk e ka zgjidhur këtë problem, pavarësisht se situata është e tillë prej shumë vitesh.

Automjeti që përdor kryetari i PD, Lulzim Basha është blerë në Gjermani në vitin 2010 për 53 mijë euro nga kompania që po ndërton një segment te Unaza e Madhe, "Victoria Invest". Basha tha sot se e kishte marrë automjetin me leasing 6 vite më parë të një kompani tjetër, por në fakt aktet e shitblerjes dhe karakteristikat e automjetit e nxjerrin blof atë.

Bashkia e Tiranës ka zyrtarizuar listën e përfituesve të kredive të buta cilën Shqiptarja.com e publikon të plotë me 1104 emrat e familjarëve që do të marrin kredi me interesa të ulëta.

Kryetari i Bashkisë së Tiranës, Erion Veliaj denoncoi në mbledhjen e sotme të Këshillit Bashkiak disa fakte se si vëllai i ish-presidentit Bujar Nishani, ish-ministrit të LSI, Nasip Nacos, dhe djali i Azem Hajdarit, Kiri Hajdari, kanë privatizuar ambientet e Qytetit Studenti.

Të paktën 3 persona kanë mbetur të plagosur, njëri prej tyre fëmijë pas një aksidenti të ndodhur këtë të premte në Përrenjas, ku dy automjete janë përplasur me njëri -tjetrin. 

Këshilli Bashkiak i Tiranës ka miratuar buxhetin për 2019, me një bashkim votash midis grupit të këshilltarëve të PDIU me ata të PS-së. Përpara së të merrej ky vendim, kryetari i Bashkisë së Tiranës Erion Veliaj ka hedhur poshtë denoncimet e bëra nga PD dhe ka deklaruar se nëse gjendet një dokument që e vërteton dicka të tillë, ai do të japë dorëheqjen nga posti i kryetarit të Bashkisë së Tiranës

Ministrja e Drejtësisë, Etilda Gjonaj u shpreh se gjatë vitit të ardhshëm do hapen dy qendra të rëndësishme për të mitur.

Policia e Elbasanit ka arrestuar një person të shpallur në kërkim i akuzuar për vjedhje dhe mashtrim.

Nga

Arsen Rusta

Në mbledhjen e parë të KLGJ-së i është kërkuar mendim misionit të Euralius-it për të ardhmen e Inspektoriatit të ish-KLD-së, pasi deri më tani ka qenë pikërisht ky institucion që ka vlerësuar gjyqtarët për anën profesionale në kuadër të Vettingut. Sa i takon cështjes së zëvendësimit të tre kryetarëve të shkarkuar të Gjykatave Pukë, Berat ,Korcë, ka marrë zgjidhje përkohësisht duke ia kaluar kompetencat zëvendës kryetarëve, të cilët janë ende në proces zgjedhjeje.

Ministri i Brendshëm Sandër Lleshaj, organizoi ditën e sotme një mbledhje me Kryetarët e Bashkive dhe drejtuesit e lartë të Policisë së Shtetit ku temë kryesore e diskutimit ishte procesi i zgjedhjeve të ardhshme lokale, ndërsa adresoi para drejtuesve vendorë detyrat kryesore duke thënë se duhet të shtohen kontrollet dhe masat për të parandaluar çdo shkelje para mbajtjes së zgjedhjeve elektorale të vitit 2019.

Banorët e dy lagjeve në kryeqytet kanë marrë zgjidhje së fundi për problemin e furnizimin me ujët të pijshëm, ku Bashkia e Tiranës ka përfunduar investimin për ndërtimin e rrjetit të ri të ujësjellësit në dy zona pranë “Shkollës së Baletit“ dhe rrugën "Petro Nini Luarasi”.

Me miratimin e ndryshimeve në Ligjin për Policinë, i hapet rruga pranimit të studentëve të ekslenencës në radhët e unfiromave blu, por edhe ushtarakëve. Janë 775 vende vakantë në Polici. Në reagimin e tij, ministri i Brendshëm Sandër Lleshaj shprehet se ka nisur një etapë modernizimi për policinë dhe se u hapën dyert e studentëve më të mirë.

Policia e Shtetit njofton se vijon aksioni i kontrolleve në dyqane dhe pika shumicash në bazë të planit të masave për parandalimin dhe sekuestrimin e kapsollave dhe lëndëve piroteknike me rrezikshmëri për jetën.

Mësuesja dhe nxënësja 16-vjeçare kanë pësuar disa fraktura për shkak të përplasjes nga fuoristrada me targa shkodre por fatmirësisht ndodhen jashtë rrezikut për jetën.