Kronikë

Një aksident ka ndodhur ditën e sotme, ku një automjet ka humbur drejtimin dhe ka dal nga rruga, duke përplasur një motor me të cilin udhëtonte një i mitur.

Në fshatin Theth, Shkodër, 33-vjeçari Alfred Rrupa u arrestua pasi qëlloi me armë zjarri ndaj një automjeti, ndërsa tre personat në automjet ushtruan dhunë fizike ndaj tij dhe po hetohen në gjendje të lirë. Arma e zjarrit u sekuestrua dhe materialet u referuan në Prokurori për veprime të mëtejshme.

Policia e Tiranës ka shpallur në kërkim 30-vjeçaren E.D., e cila akuzohet se ka marrë pa të drejtë fëmijën nga banesa familjare, sipas kallëzimit të bashkëshortit të saj me të cilin janë në proces për zgjidhjen e martesës. 

Dy persona të moshës 61 dhe 66 vjeç kanë rënë në prangat e policisë, pasi dyshohet se kanë kryer marrëdhënie seksuale me një grua 38 vjeçe.

Katër veterinerë në Korçë dhe Sarandë po hetohen për 'shpërdorim detyre', pasi lejuan në kundërshtim me ligjin transportimin e 410 bagëtive të imta nga Konispoli drejt Barmashit. Sipas Policisë, ata nuk zbatuan urdhrin e Ministrisë së Bujqësisë për ndalimin e përkohshëm të lëvizjes së këtyre kafshëve.

Shtyhet gjyqi për shpifje mes Lapajt dhe Shehajt. Seanca e radhës do të mbahet më 8 Korrik për t'i lënë kohë avokatit të deputetit të paraqesë provat.

Në kuadër të operacionit 'Plazhi i Lirë', Policia sekuestroi 170 çadra dhe shezlongë të vendosura pa leje në Vilë Bashtovë dhe 'Rërën e Bardhë'. Për rastin u hetuan penalisht 6 persona nga Durrësi, Kavaja dhe Tirana.

Një 26-vjeçar është shpallur në kërkim nga policia e Korçës pasi u kap duke transportuar drejt Tiranës, 8 emigrantë nga Vendet e Treta

Në Maliq, dy fëmijë të mitur, një vajzë dhe një djalë, janë larguar nga banesa më 26 qershor 2025, ndërsa prindërit kanë kallëzuar ngjarjen në polici.

Gjatë operacionit antidrogë 'Koordinata' në Fier, janë arrestuar dy persona dhe janë asgjësuar 284 bimë narkotike Cannabis Sativa në dy parcela në fshatin Rreth Libofshë. 

Brenda 24 orëve të fundit janë regjistruar dhe shuar 18 vatra zjarri në 12 bashki, pa dëme për njerëzit apo banesat, ndërsa Forcat e Armatosura dhe zjarrfikësit vijojnë monitorimin intensiv, veçanërisht në zonat më të rrezikuara si Fieri. 

Një sherr mes dy personave është regjistruar në Rrugën e Kavajës, në kryeqytet. Policia sekuestroi një thikë dhe një kallashnikov.

I kallëzuar në SPAK për pastrim parash dhe më pas edhe për shpifje, Sekretari i Përgjithshëm i Partisë Demokratike, Flamur Noka u thirr këtë të premte për t’u marrë në pyetje nga Prokuroria e Posaçme.