Kronikë

Mëngjesin e 26 gushtit një dron ishte vënë ‘në ndjekje’ të Ergys Agasit, i cili e filmonte dhe fotografonte teksa biznesmeni qëndronte në katin e dytë të njërës prej vilave në një kompleks rezidencial në Shkozet të Durrësit. Ajo do të ishte dita që do të çonte në prangosjen e Agasit dhe ish-punonjësit të Policisë, Uljan Shpataraku.

Babai 45-vjeçar po punonte me një mjet bujqësor në oborrin e banesës së tij në Malbardhë kur aksidentoi për vdekje vajzën e mitur, 3 vjeçe.

Aktualisht, zjarri nuk rrezikon banesat, por po djeg pemë e shkurre.

I riu u transportua menjëherë në Spitalin e Korçës, por nuk arriti t'u mbijetojë plagëve të rënda.

Një vit pas vrasjes së gjyqtarit Astrit Kalaja në sallën e gjyqit, gjyqtarët dhe prokurorët ngrenë alarmin se siguria në institucionet e drejtësisë ka mbetur në vend, ndërsa kërkojnë që atij t'i njihet statusi "Dëshmor i Atdheut"

Ajshe Haklaj tha se krimet politike të Berishës janë të njohura për çdo shqiptar. Sipas Haklajt, ish-kryeministri ka pasur si mision shkatërrimin e shtetit shqiptar dhe për këtë ajo tha se Berisha është paguar nga shtetet armike të Shqipërisë.

Sipas hetimeve, autorët e ndoqën Dobrën me automjete të marra me qira dhe më 8 korrik i prenë rrugën në zonën e Kroit të Suçit, ku e rrëmbyen dhe më pas e hodhën në liqenin e Shkopetit, bashkë me makinën e tij.

Ish-Presidenti Meta akuzon Kuvendin dhe Qeverinë për heshtje të qëllimshme, ndërsa paralajmëron se situata po sjell shtyrjen e dhjetëra seancave dhe zvarritjen e proceseve gjyqësore.

SPAK kishte zbuluar prova që e çojnë 30-vjeçarin në konsumimin e veprave penale të “shkatërrim i pronës me eksploziv”, “sigurimi i kushteve materiale për të kryer vrasje”, “grup i strukturuar kriminal” dhe “kryerja e veprave penale nga grupi i strukturuar kriminal”.

Në hetim edhe 21-vjeçari që e shoqëronte. Sekuestrohen dhjetëra doza droge, automjeti, tre celularë dhe një thikë.

Ergys Agasi, ditën e fundit të lirisë u ndoq hapi pas hapi nga forcat e policisë, thuajse gjatë gjithë kohës me dron, i cili ka dokumentuar me video dhe foto çdo lëvizje të tij. Agasi u pikas mëngjesin e 26 gusht në një kompleks vilash në zonën e Shkozetit në Durrës, të njohura si baza e Visit të Pojës. Pak para mesditës së 26 gushtit e mori mjeti luksoz, me të cilin udhëtoi drejt Elbasanit, ku qëndroi për gati 5 orë pranë Tregut Agroushqimor në pronësi të babait të shumëkërkuarit Suel Çela.

Ndonëse Ergys Agasi u kap në makinën që drejtohej nga Uljan Shpataraku, pasi policia e kishte mbajtur nën vëzhgim që prej daljes nga vila e Visit të Pojës, ish-zyrtari i Policisë ka pretenduar para hetuesve se nuk e njihte biznesmenin.