Politikë

Kryeministri foli në mbrëmjen gala të Këshillit të Marrëdhënieve Shqiptaro-Amerikane, ku tha se Shqipëria ka ndryshuar rrënjësisht në vitet e fundit dhe se vendi po shfaq kapacitete të reja zhvillimi.

Kryeministri Edi Rama deklaroi se ish-Presidenti amerikan Joe Biden e ka tradhtuar Hashim Thaçin, i cili u dënua me 25 vite burg nga Dhomat e Specializuara për Kosovën në Hagë. Rama tha se SHBA duhet të bënte më shumë për 4 ish-krerët e UÇK-së, të dënuar me 81 vite në total nga Haga.

Emërimi i tij vjen në një moment kur Ministria e Brendshme tashmë drejtohet nga Ervin Demo, pas lirimit nga detyra të Besfort Lamallarit.

Në një kohë kur komisionet parlamentare kanë nisur diskutimin për propozimin e PS për hartën e re territoriale me 46 bashki, edhe PD depoziton zyrtarisht propozimin e saj në Kuvend për ta çuar numrin e njësive vendore në 100. PD thotë se me ndryshimet që propozon, synon bashki funksionale, për më shumë shërbime, autonomi e zhvillim.

Nga

Danjela Maloku

Ambasadori i ri i SHBA-së vjen në Tiranë. Ndalesa e parë institucionale do të jetë zyra e Presidentit Begaj, të cilit do t'i dorëzojë edhe letrat kredenciale. Pjesë e axhendës është edhe një takim kokë më kokë me Begajn.  

Presidenti Begaj pritet të mbledhë të hënën Këshillin e Sigurimit Kombëtar pas arrestimit të ish-drejtoreshës së SHISH-it, Vlora Hyseni, e dyshuar për nxjerrje të informacioneve sekrete në favor të Ergys Agasit. Ndërsa Kreu i grupit parlamentar të PD-së, Gazment Bardhi, kërkon që Begaj të sqarojë çfarë verifikimesh u kryen përpara dekretimit të Hysenit.

Ministri për Evropën dhe Punët e Jashtme tha në Nju Jork se, përballë sfidave të sigurisë, rajoni ka nevojë për më shumë dialog, bashkëpunim dhe veprime të përbashkëta.

Këshilli Bashkiak i Tiranës kërkon që kryebashkiaku Erion Veliaj të jetë i pranishëm në mbledhjen ku do të diskutohet për ndarjen e re territoriale.

Deputetja e Partisë Demokratike, Ina Zhupa, ka njoftuar se ka depozituar në Gjykatën Kushtetuese një ankim lidhur me ligjin që prek zonën e Pishë-Poro-Nartës dhe mundësinë e zhvillimit të projekteve të ndërtimit në këtë territor.

kreu i grupit parlamentar të Partisë Demokratike Gazment Bardhi ka intensifikuar akuzat ndaj presidentit Bajram Begaj duke i kërkuar atij të ‘lërë spektaklin institucional’ dhe të japë përgjigje për skandalin që ka cënuar sigurinë kombëtare.

Çështja e ish-drejtueses së SHISH, Vlora Hyseni, solli përplasje mes mazhorancës dhe opozitës në Komisionin e Kulturës. Ina Zhupa akuzoi socialistët se tentuan të shmangnin debatin parlamentar për Hysenin, ndërsa Erion Malaj tha se drejtësia duhet të bëjë punën e saj dhe se përgjegjësia penale është individuale.

Në një deklaratë për mediat, Tabaku tha se ndërkohë që  familjet shqiptare paguajnë 48.3% të kostos së kujdesit shëndetësor dhe buxheti publik për shëndetësinë mbetet 2.9% e PBB-së, qeveria po synon të përqendrojë më shumë pushtet dhe fonde publike në duart e një rrethi të ngushtë.

Partia Demokratike ngre pikëpyetje për procedurën e blerjes së automjeteve për IKMT, duke pretenduar se “TIMAK Defence” ka lëshuar faturën përpara lidhjes së kontratës. IKMT e hedh poshtë akuzën dhe sqaron se fatura mban datën 7 gusht, një ditë pas kontratës.

Vlora Hyeni u la në ‘arrest shtëpie’ nga GJKKO. Deputeti i ‘Lëvizja Bashkë’, Redi Muçi i ftuar në ‘Shtypi i Ditës dhe Ju’, tha se përveç personit që mban përgjegjësi penale, nga ana tjetër dikush të mbajë përgjegjësi politike.

Në një letër drejtuar kryetarit të kuvendit, komisionit të posaçëm parlamentar për reformën administrativo-territoriale, kryetarit të grupit parlamentar të partisë socialiste ata shprehen se duhet të kryhet dhe të bëhet publike një analizë e plotë, objektive dhe e verifikueshme mbi funksionalitetin e Bashkisë Patos; kapacitetin e saj administrative, strukturën ekonomike të territorit.