Politikë

300 banorë të Fierzës kanë paditur në SPAK kryebashkiakun e Tropojës, Rexh Byberi, shefin e komisariatit Përparim Allmuça dhe pronarin e kompanisë “Byberi shpk”, Avni Byberi. Padia vjen pas protestave të vazhdueshme që banorët kanë bërë kundër gurores dhe fabrikës së bitumit në fshatin e tyre.

Thirrjes së Gazment Bardhit për deputetë e opozitës për t’u takuar nesër për të sjellë unifikimin e aksionit opozitar përballë qeverisë, i janë përgjigjur pozitivisht grupimi i deputetëve të Sali Berishës, si dhe aleatët që kanë dalë nga lista e aleancës PD-AN. 

Për analistin Mentor Kikia kjo situatë është komike. Ai thotë se Nikolla njoftoi që grupi i deputetëve të PS kishte zgjedhur kreun e grupit Bledi Çuçin, ndërsa në kampin blu ishte zgjedhur nga vetë Partia demokratike. Sipas Kikisë, kjo nuk ka vlerë dhe se sipas rregullores së Kuvendit, kreu i grupit duhet të zgjidhet nga deputetët.

Deputeti i PD Luan Baçi gjatë emisionit “Sot Live në Shqipëri” në Report TV tha se takimi që do të zhvillohet nesër mes Gazment Bardhit dhe grupit të Sali Berishës është lëvizja e duhur e deputetëve të PD, ndonëse e quan shumë të vonuar.