Politikë

Një ekip prej më shumë se 300 vëzhguesish të huaj do të mbikëqyrin zgjedhjet e 14 Majit, para, gjatë dhe pas ditës së zgjedhjeve. Shefja e misionit të vëzhguesve të OSBE/ODIHR për zgjedhjet vendore të këtij viti në Shqipëri, Audrey Glover zhvilloi sot konferencën e parë për mediat, pas mbërritjes në Shqipëri dhe takimeve të para që zhvilloi.

Nga selia e Partisë Demokratike, pas takimit me ish-kryeministrin Sali Berisha, i shpallur non grata nga SHBA, Ilir Meta reagoi për deklaratat e ambasadores amerikane Yuri Kim. Kjo e fundit kërkoi që qytetarët shqiptarë të mos votojnë persona non grata, e për këtë Meta dha një përgjigje.

Kreu i qeverisë shqiptare u shpreh se duke filluar nga java e ardhshme po analizojnë mundësinë e daljes fare nga juridiksioni i gjykatës. Rama u shpreh se Becchetti, për të cilin theksoi se është një mashtrues i dënuar, nuk ka marrë asnjë lek nga shtetit shqiptar dhe se lufta me të do të vijojë.

Ministrja për Evropën dhe Punët e Jashtme, Olta Xhaçka është paraqitur sërish në SPAK mëngjesin e ditës së sotme. Kjo është hera e dytë që Xhaçka paraqitet në Prokurorinë e Posaçme. 

Qeveria ka gati projektligjin për rritjen e pagave të sektorit publik dhe pritet që të kalojë në Kuvend për miratim. Rama tha se brenda harkut kohor të një viti, paga mesatare në vend do të shkojë 900 euro. Reforma e rritjes së pagave, do të prekë edhe sektorë të tjerë, duke nisur nga pedagogët e mësuesit, tek infermierët, zjarrfikësit, si edhe policinë e Shtetit, Burgjeve dhe punonjësit e Gardës.

Kur na ndajnë vetëm pak ditë nga nisja zyrtare e fushatës elektorale për zgjedhjet e 14 majit, Partia Socialiste ka mbledhur sot kryesinë. Në përfundim të mbledhjes, sekretari i përgjithshëm i PS, Damian Gjiknuri bëri me dije se takimet në kuadër të fushatës elektorale do të nisin javën tjetër ashtu siç e përcakton kodi zgjedhor. Ndërsa theksoi se PS nuk kishte qëllim organizimin e aktiviteteve masive, por takimeve të vogla me qytetarë ku do flitet për punën e bërë.

Partia Demokratike e degës Vau Dejës ka pretenduar se efektivë të policisë kanë ndalur sot 3 kandidatëve për këshillat Bashkiak. Sipas tyre, 3 kandidatët janë janë ndaluar nga një patrullë e policisë së shtetit, pa asnjë motiv.

Deputeti i anuar nga kampi i Alibeaj, Dashnor Sula u shpreh sot se në rast se Berisha merr rezultate pozitive në zgjedhje, do shkojë pranë tij. Ndër të tjera, ai beson se do të ketë edhe një rikthim të Lulzim Bashës në politikë, përplasja e së cilit me ‘të atin’ politik, Berishën, shkaktoi një luftë brenda demokratëve. Sula thotë se shkaku i kësaj ndarjeje të thellë brenda selisë blu ka qenë pjellë e elitave politike, e jo dëshirë apo ambicie e demokratëve të thjeshtë

Ish-kryeministri Sali Berisha ka prezantuar kandidatin e tij pwr Bashkinw Kukws, Admir Sinamatin

Nënkryetari i Bashkisë së Elbasanit,  Artur Guni, ka hedhur poshtë akuzat e PD në lidhje me rehabilitimin e rrugës “11 Nëntori”.  Përmes një deklarate, Guni i cilëson akuzat si gënjeshtra për qëllime elektorale. 

Senatori i Shteteve të Bashkuara nga Montana Steve Daines po viziton Shqipërinë këtë javë si pjesë e një turi rajonal të fokusuar te stabiliteti, siguria energjetike dhe konflikti në zhvillim në Ukrainë. Ai ka pasur pasditen e sotme një takim me Presidentin, Bajram Begaj. Senatori Daines shoqërohej në këtë takim nga Ambasadorja e Shteteve të Bashkuara në Shqipëri, Yuri Kim.