Politikë

Konferenca e kryetarëve ka miratuar zhvillimin e komisioneve për prezencë fizike të deputetëve, pas refuzimit që bëri opozita për zhvillimin e mbledhjeve online.

Kryeministri Edi Rama ka udhëtuar ditën e sotme drejt Spanjës, me ministren e Arsimit Evis Kushi. Në fokus të këtij udhëtimi është arsimi, për bashkëpunimin e universiteteve shqiptare me ato spanjolle, si një nga objektivat e qeverisë "Rama 3".

Deputeti i PD-së, Ervin Salianji, ka akuzuar qeverinë se ka bashkëpunuar me kompanitë private për të rritur çmimin e plehrave kimike dhe farave. Në një takim me fermerët në Korçë, Salinaji tha s ekjo ka ndikuar në përkeqësimin e situatës ekonomike të fermerëve, teksa shtoi  pas premtimeve në fushatë elektorale, qeveria nuk është interesuar më për ta.

'Pandora Papers' është një rrjedhje e gati 12 milionë dokumenteve dhe dosjeve që ekspozojnë pasurinë e fshehtë dhe marrëdhëniet e udhëheqësve botërorë, politikanëve dhe miliarderëve. Të dhënat janë marrë nga Konsorciumi Ndërkombëtar i Gazetarëve Hulumtues në Uashington DC dhe kanë çuar në një nga hetimet më të mëdha globale ndonjëherë. Rezultatet e hetimit, i cili zgjati gati dy vjet, janë fryt i punës të mbi 600 gazetarëve nga 150 gazeta ndërkombëtare. Pasurinë në parajsat fiskale e ka fshehur edhe një politikan shqiptar. 

Në një deklaratë për mediat, pasi Rama paralajmëroi një rritje të çmimit të energjisë, Basha tha se shqiptarët kanë 8 vite që po përballen me çmimet më të larta në Rajon e Europë. Sipas Bashës, qeveria nuk po i vjen në ndihmë qytetarëve dhe se kostot e jetesës janë bërë të pabërballueshme.

Kryeministri Edi Rama do  të udhëtojë nesër drejt Spanjës, i shoqëruar nga Ministrja e Arsimit, Evis Kushi, për miratimin e memorandumit të bashkëpunimit mes dy vendeve.

Kryeministri Edi Rama ka paralajmëruar për krizën energjetike që sapo ka filluar. Kjo sipas Ramës, ka rritur çmimin e produkteve si gazi, benzina apo nafta dhe është rrjedhojë e një fatkeqësie  natyrore e kombinuar me faktorë gjeopolitikë e manovra tregtare që nuk kërcënon jetë njerëzish, por në aspektin ekonomik e social mund të ketë efekte tronditëse.

Media britanike 'The Sun' kanë shkruar se parashikohet që emigrantët që kalojnë kanalin nga Franca për në Mbretërinë e Bashkuar do të ndalohen dhe do të sillen në Shqipëri në një kamp deri në përpunimin e kërkesave të tyre për azil. Ky lajm është përgënjeshtruar nga Kryeministria duke thënë se 'Shqipëria nuk bën detyrat e vendeve të pasura, por vetëm të sajat karshi shqiptarëve'.

LSI ka reaguar ashpër për rritje e çmimit të bukës, produkteve të shportës por së fundi edhe të karburanteve që rëndojë edhe më shumë xhepat e shqiptarëve.  

Me rastin e 3 Tetorit, Ditës së Bashkimit të Gjermanisë, Kryetarja e Kuvendit, Lindita Nikolla, i ka dërguar një letër urimi Presidentit të Bundestsgut, Wolfgang Schäuble

Kryqi i Kuq shqiptar ka shënuar ditën e sotme 100 vjet që nga themelimi i tij. Në këtë ditë të shënuar për Kryqin e Kuq, presidenti Ilir Meta e ka vlerësuar me dekoratën e lartë “Nderi i Kombit”.