Politikë

Nëse opozita do të pranojë të ulet në dialog, mazhoranca duket e vendosur të gjejë mundësinë që PD, LSI dhe aleatët të regjistrohen me kandidatë në garën elektorale të 30 qershorit 2019, duke në kuptuar kështu krijimin e hapësirave ligjore për regjistrimin e kandidatëve për kryetar në 61 bashkitë e vendit. Bashkëkryetari i komisionit të posaçëm për reformën zgjedhore, Damian Gjiknuri tha se mazhoranca është e hapur për të bërë ndryshim të ligjit zgjedhor që i ofron të gjitha garancitë për procesin zgjedhor opozitës joparlamentare

Komisioni Qëndror Zgjedhor i ka dhënë ditën e sotme mandatin e deputetit në Kuvendin e Shqipërisë Ervis Meços, kandidat në listat e Partisë Demokratike në Qarkun e Vlorës.

Nënkryetari i LSI, Petrit Vasili ka reaguar pas deklaratave të bërë nga Komisioneri Johanes Hahn në një intervistë për DW lidhur me protestat e dhunshme të opozitës të cilat po ndikojnë negativisht për vendimin e BE për hapjen e negociatave për vendin tonë. Ai tha se procesi i hapjes së negociatave nuk vonohet nga sjellja e opozitë por nga raportet ndërkombëtare që e nxjerrin Shqipërinë si një vend me nivel të lartë korrupsioni dhe bazë operacionale të krimit të organizuar.

Kryetari i partisë Bindja Demokratike, Astrit Patozi e quan provokim ndaj procesit zgjedhor, kërkesën e PD-së dhe LSI-së për tu përfaqësuar me komisionerë në procesin zgjedhor të 30 qershorit 2019, pa qenë vetë e regjistruar për të marrë pjesë me kandidatë për kryebashkiakë në garën elektorale.

Kryetarja e LSI,Monika Kryemadhi ishte sot në studion e Zërit të Amerikës në SHBA. Në fund të intervistës gazetarja e VOA e pyeti nëse nënkryetarit të LSI i është ndaluar viza. Kryemadhi tha se Vasili është një njeri pa probleme por nuk vë dorën në zjarr për askënd.

Report TV zbardh listën e kandidatëve për këshilltarë bashkiakë nga PS-ja për qytetin e Elbasanit. Pasditen e sotme deputeti socialist, Taulant Balla në krah të kryebashkiakut Qazim Sejdini dhe kandidatit Gledjan Llatja  kanë prezantuar listën e plotë të kandidatëve për këshilltarë bashkiakë.

Partia Demokratike dhe Lëvizja për Socialiste për Integrim, kërkojnë të jenë pjesë e procesit zgjedhor më 30 qershor 2019. Dy forcat politike që zgjodhën të mos marrin pjesë në garën elektorale për të zgjedhur kryetarët e rinj të 61 bashkive, pas djegies në bllok të mandateve të deputetëve, tashmë kërkojnë të kenë anëtarët e tyre, pra të PD-së dhe LSI-së, në Komisionet e Zonave të Administrimit Zgjedhor. 

Nga

Esiona Konomi

Opozita do të organizojë në 25 maj protestën e 6-të kombëtare, dhe Lulzim Basha shprehet se kush nuk i bashkohet opozitës është shërbëtor i krimit. Por sondazhi i Report TV evidenton se vetëm 25 % e shqiptarëve duan vijimin e protestave, duke ngritur pyetjen nëse vërtetë tre çereku i shqiptarëve që është kundër tyre, janë shërbëtorë të krimit.

Pas presidentit Ilir Meta, edhe ambasadori i Austrisë në Tiranë, Johann Sattler u ka bërë thirrje palëve që të ulen në dialog, pasi kriza politike mund të sjellë pasoja të rënda në turizëm.

Ministri i Punëve të Jashtme të Finlandës Timo Soini ka deklarauar se Finlanda mbështet hapjen e negociatave për anëtarësimin në Bashkimin Evropian të Shqipërisë. Ministri në Detyrë Gent Cakaj shprehu mirënjohje ndaj ministrit Soini për mbështetjen e vazhdueshme të Finlandës.

Komisioneri për Zgjerim i Bashkimit Evropian, Johannes Hahn, tha në një intervistë për DW se Shqipëria është në prag të hapjes së negociatave por imazhi që po lënë protestat e dhunshme mund të ndikojë negativisht në këtë proces.

 Ish-deputeti i Partisë Demokratike Endri Hasa, ka hedhur akuza ndaj ministres së Infrastrukturës dhe Energjitikës, Belinda Balluku duke thënë se po mashtron shqiptarët lidhur me pagesën e autostradës Tiranë-Durrës.