Politikë

Qëndrimin e Kryeministrit Rama për dhunën në protestë, Sali Berisha e quan një monolog vulgar që nuk kthen stabilitetin dhe normalitetin në vend. Për kreun e opozitës e vetmja zgjidhje është dorëheqja e Ramës. Berisha thotë se Kryeministri fantazon kur flet për dron me eksploziv apo forca të huaja që nxisin protestat.

Sipas Salianjit, protestuesit kërkojnë ndryshimin e klasës politike dhe fundin e “paktit Rama-Berisha” që për ta është humbje e shpresës për të ardhmen. Në fund, bën thirrje për më shumë mbështetje ndaj protestuesve.

Ibrahimaj denoncoi sot dëmtimin e bizneseve, pronave dhe veçanërisht të degëve bankare e bankomateve gjatë protestave të këtyre ditëve, duke i cilësuar aktet e shkatërrimit si të papranueshme

Deputeti i PS-së, Pirro Vengu, ka vlerësuar vetëpërmbajtjen dhe profesionalizmin e policisë gjatë përplasjeve me protestuesit në Tiranë, por ka theksuar se mbështetja për efektivët nuk duhet të cenojë të drejtën e qytetarëve për të protestuar paqësisht

Komunitetet fetare në Shqipëri bëjnë apel për qetësi dhe ulje të tensioneve mes palëve pas situatës së dhunshme në protesta. Shqipëria është e të gjithëve dhe përgjegjësia për shmangien e çdo formë dhune është e përbashkët, shprehet Komuniteti Mysliman i Shqipërisë. Kryepeshkopi Joan kërkoi që në këtë situatë të merren vendime të pjekura. Krerët e katër besimeve më të mëdha në vend u takuan sot dhe me presidentin Bajram Begaj.

Për opozitën ka vetëm një zgjidhje për kalimin e krizës dhe situatës së dhunës, dorëheqja e Kryeministri Rama. Ilir Meta, propozon rikthimin te Kushtetuta para ndryshimeve të vitit 2008, qeveri teknike para zgjedhjeve dhe zgjedhjen e Presidentit nga populli.

Kongresmenët Joe Wildson dhe Robert Aderholt shpreheshin se e kanë ndjekur me shqetësim “përshkallëzimin e krizës në Shqipëri, aleate e NATO-s", duke kërkuar që qeveria të përmbahej nga dhuna, por Taulant Balla u thotë se para gjithçkaje tjetër, dhuna duhet dënuar.

Nga ura te Piramida, Erion Braçe ka ndarë disa pamje të punonjësve të bashkisë që vijojnë punën për mirëmbajtjen e qytetit, pas protestave të dhunshme që kanë shkaktuar dëmtime të shumta nëpër rrugë.

Dy ditë më parë gjatë protestave të dhunshme, një dron me eksploziv që do të godiste kryeministrinë, është neutralizuar, tha kryeministri Rama.