POP 5

Lajmet më të lexuara të 5 minutave të fundit

Arkiva

1 148 klandestinë të kapur nga janari 2014 , 681 prej tyre nga Siria

-Një pjesë e tyre kanë kërkuar edhe Azil në vendin tonë- TIRANË, 21 Tetor/ATSH-Arbi Fortuzi/-. Rreth 1 148 shtetas të huaj kanë hyrë në formë klandestine në vendin tonë nga janari deri në tetor të vitit 2014. Burime nga Ministria e Punëve të Brendshme konfirojnë se nga 1 Janari 2014 deri më 19 Tetor 2014 […]
 Rreth 1 148 shtetas të huaj kanë hyrë në formë klandestine në vendin tonë nga janari deri në tetor të vitit 2014.

Burime nga Ministria e Punëve të Brendshme konfirojnë se nga 1 Janari 2014 deri më 19 Tetor 2014 në vendin tonë në formë klandestine janë kapur 1 148 shtetas të huaj.
Këto shtetas kanë qenë kryesisht me origjinë nga Afrika Veriore. Sipas burimeve të sipërcituara bëhet me dije se 681 prej këtyre shtetasve kanë qenë nga Siria, ndërsa 223 nga Eritrea.

Këto burime argumentuan se ardhja e tyre në vendin tonë ka disa veçori. Një nga faktorët kryesorë është pozicioni ynë gjeografikë, si lidhës mes europës juglidnore me Europën qendrore. Sipas burimeve një numër i caktuar shtetasish që vinë në formë klandestine kanë kërkuar dhe azil në vendin tonë, ndërsa disa të tjerë kërkonin të shfrytëzonin vendin tonë se rrugë tranzit.

Kryesisht nga hetimet e Policisë së Shtetit ka rezultuar se pjesa më e madhe e tyre kanë tentuar të kalojnë nga Greqia në Shqipëri për të shkuar më tej në Mal të Zi, por Forcat Shqiptare të Policisë kanë ndërprerë në mes trajektoren e tyre, duke i kthyer në vendin e tyre.

Shumica e të kapurve është bërë në kufirin greko-shqiptarë dhe kryesisht Kakavijë.

Mendohet se rruga e tyre kalon nga Turiqia, Greqia, e më pas Shqipëria prej nga ku kërkohet të kalohet në Itali ose kryesisht më së shumtë në Mal të Zi, për të vijuar në Kroaci e kështu përsëri në Itali.

Ky fenomen nuk është vetëm problemë i vendit tonë, pasi shumë shtetas nga Siria, Eritrea apo dhe nga zona të tjera të Afrikës Qendrore dhe Veriore kanë shfrytëzuar rrugët ujore për të shkuar në Itali dhe vende të tjera europiane.

ATSH
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59