1 ditë para fillimit të shkollës, ministrja Gjonaj takon të miturit e dënuar: Mund të kenë një shans të ri reflektimi në jetë

Ministrja e Drejtësisë, Etilda Gjonaj  një ditë para fillimit të sezonit të ri mësimor ka vizituar qendrën ku vuajnë dënimin të miturit në Kavajë. Gjatë takimit me të dënuarit në “Insitutin e veçantë Kavajë” Gjonaj ka thënë se të gjithë skedat e këtyre fëmijëve janë studiuar me kujdes në mënyrë që të hartohet për secilin prej tyre një paketë më e mirë rehabilitimi si në aspektin social-ekonomik, ashtu edhe në atë edukativ - arsimor.

Më pas me anë të një postimi në rrjete sociale ministrja Gjonaj thekson se çdo i mitur do të ndiqet hap pas hapi për t’i dhënë një shans të ri reflektimi në jetë, në mënyrë që gabimin e së shkuarës, t’ia shpërblejë pozitivisht shoqërisë në të ardhme.

Reagimi i plotë i ministres:

 "Kemi studiuar me kujdes të gjitha skedat personale të të miturve që vuajnë dënimin në “Institutin e veçantë Kavajë”, për të hartuar për secilin paketën më të mirë rehabilituese dhe riintegruese si në aspektin social-ekonomik, ashtu edhe në atë edukativ - arsimor. Në kuadër të projektit të ri të nisur nga Ministria e Drejtësisë, çdo i mitur do të ndiqet hap pas hapi për t’i dhënë një shans të ri reflektimi në jetë, në mënyrë që gabimin e së shkuarës, t’ia shpërblejë pozitivisht shoqërisë në të ardhme. Bashkërisht me stafin, gjithashtu jemi duke hartuar projektligjin për amnistinë me qëllim që sa më shumë të mitur të përfitojnë nga kjo iniciativë. Puna vazhdon" shkruan ministrja.

/b.ha./Shqiptarja.com

TAG:
• ministria e drejtesise
• etilda gjonaj
• kavaje
• viti i ri shkollor
• nisja e shkolles
• shkolla e riedukimit