1 muaj pas mega-operacionit në burgjet e vendit, sërish drogë në atë të Peqinit

1 muaj pas mega-operacionit në burgjet e vendit, sërish drogë në atë të Peqinit

Burgu i Peqinit

Pas mega-operacionit për kontrollin e brendshëm në burgjet e vendit në shkurt, në atë të Peqinit u kap sërish drogë!

Drejtoria e burgut të Peqinit njoftoi se lënda narkotike është gjendur në ambientet e përbashkëta që përdoret nga të dënuarit. Brenda ambienteve të burgut u gjetën dhe u sekuestruan në cilësinë e provës materiale 10 gram kanabis.

Lënda narkotike është gjetur nga punonjësit e drejtorisë së burgut, të cilët ushtrojnë kontrolle të shpeshta.

Super operacioni i policisë, 28 të arrestuar

Hetimet nisën në vitin 2020, u finalizua më 1 shkurt dhe vuri në pranga 28 persona, zyrtarë, policë burgjesh, biznesmenë dhe të burgosur që e kishin kthyer aktivitetin kriminal brenda qelive. Superoperacioni i Policisë zbuloi se të dënuarit për vepra të rënda penale kanë vijuar aktivitetin e tyre kriminal edhe brenda qelisë duke krijuar një grup të strukturuar kriminal. Policët e burgjeve, jo vetëm që nuk kanë ndërhyrë për të shkatërruar këtë grup, por kanë bashkëpunuar me ta duke mundësuar futjen e qeli të drogës dhe sendeve të paligjshme dhe transportin e saj nga njëri burg në tjetrin. Droga transportohej në trinomin burg i Peqinit-burgu i Drenovës- paraburgimi i Elbasanit dhe të gjitha këto veprime kryheshin kundrejt përfitimeve, ku si rezultat i këtij operacioni i sekuestruan 4 mln lekë brenda në burg.

J.GJ./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ilir Meta kallëzim në Prokurorinë e Tiranës: Persona të paidentifikuar kanë vjedhur hard disc në zyrën e Partisë së Lirisë

Ilir Meta kallëzim në Prokurorinë e Tiranës: Persona të paidentifikuar kanë vjedhur hard disc në zyrën e Partisë së Lirisë