Kriza financiare e vendit e ka vështirësuar ditë pas dite të jetuarin në shtetin helen, duke riskuar kështu elemente jetësore që nga pagesa e qirasë, deri te ngushtime tek gjërat që njerëzit mund të blejnë.
 
1. Para kesh :
 
Grekët nuk mund të tërheqin më tepër se 60 euro në ditë nga ATM. Teksa paratë po mbarojnë, edhe rradhët për të tërhequr janë të gjata.
 
2. Kartat e kreditit:
 
Teknikisht, kartat mund të pranohen ende nga disa, por shumica e shitësve, tregtarëve duan para kesh. Madje disa ofrojnë ulje nqs pagesa bëhesh me kesh. Grekët që kanë udhëtuar jashtë tregojnë se ata kanë probleme në përdorjen e kartave të tyre të kreditit, pjesë e bankave greke, sidomos për fatura relativisht të mëdha.
 
3. Transferta parash:
 
Transfertat e parave jashtë shtetit janë ndaluar, edhe pse pa miratimin e një komiteti të posaçëm, duke shtrënguar kështu importet, si dhe pagesat për eksportuesit.
 
4. Aplikacionet e iPhone:
 
Njerëzit që kanë telefona iPhone tregojnë se e kanë të ndaluar të shkarkojnë aplikacione nga to. Sidomos ata të cilës kërkojnë të bëjnë pagesa përmes iCloud.
 
5. Paypal:
 
Grekët mund të marrin pagesa përmes paypal por nuk mund të shpenzojnë. Kompania thotë se vendosja e kontrollit të kapitalit ka çuar në marrjen e një vendimi të tillë.
 
6. Blerjet online:
 
Aftësia për të porositur të mira dhe të prenotosh shërbime përmes uebsite që janë jashtë Greqisë, duke përfshirë edhe Amazon.com apo kompani ajrore si EasyJet, janë limituar tashmë.
 
7. Blerja e aksioneve:
 
Bursa e Athinës ka qenë e mbyllur për shtatë ditë. Ajo planifikohet të rihapet të enjten – por kjo perspektivë duket e pamundur tashmë, kur bankat s’janë hapur ende.
 
8. Të paguash qiranë:
 
Limitimi i parave kesh po e bën pagesën e qirasë apo të faturave tejet të vështirë. Pagesat direkte të debitit po ulen dhe e-banking po “zhduket”.
 
9. Pagesa e kredia:
 
Pagesa e kredisë po vështirësohet më tepër, kur kash po mungon dhe bankat nuk po punojnë.
 
10. Farmaceutike:
 
Thuajse të gjithë furnizimet me ilaçe të grekëve nuk po vijnë normalisht përmes kompanive farmaceutike në shtetin Helen. Për më tepër, që mediat vendase raportojnë se Greqia u detyrohet më tepër se 1.1 mld dollar disa nga industrive farmaceutike të huaja.

 
Monitor


Redaksia Online
( Gre.M/Shqiptarja.com )