Partia Socialiste e Tiranës ka nisur fushatën e anëtarësimeve të reja. Nga njësia Nr.1 në kryeqytet, Drejtuesi Politik i PS për Qarkun e Tiranës, Erion Veliaj, i shoqëruar nga deputeti i PS, Eduard Shalsi u dha kartën e anëtarësisë 100 të rinjve dhe u uroi atyre mirë se ardhjen në parti.
“Këta që bëjnë ekspertin nga kolltuku apo divani japin mend për çdo gjë dhe një nga gjërat që thonë është që: “Keni fituar tre herë, për çfarë e doni një fitore të katërt?”. Është si t’i thuash një kampioni: “Ke dalë tre herë kampion, pse do të dalësh për herë të katërt?!” Si t’i thuash Erkandit: “Ule një çikë peshën, që të fitojë edhe ndonjë tjetër”. Është si t’i thuash Luiza Gegës: “Ule një çikë vrapin, që të fitojë edhe ndonjë tjetër”. Kush është kampion meriton të jetë kampion tre herë, katër herë, pesë herë! Kur skuadra ka disiplinë prej kampioni, kur skuadra ka përbërje prej kampionësh, kur stërvitet çdo ditë, kur është gjithmonë e përgatitur, merr rezultate prej kampionësh. Ndaj, dua t’i uroj sot mirëseardhjen 100 anëtarëve tanë të rinj”, tha Veliaj.
Kryebashkiaku nënvizoi se kur PS është në krye të punëve, vendi përparon dhe bëhet më europian.
“Kur drejtojnë ata të tjerët, vendi shkon poshtë e më poshtë, vendi vetëm varfërohet, shkon në konflikt. Ju kujtohet koha e piramidave, kur shumica e atyre që i kanë flokët e bardha këtu sot, humbën shtëpitë, humbën punët, humbën gjithë të ardhurat e tyre? Kur drejton PS-ja, lagja është më e mirë, qyteti është më i mirë, pronës i rritet vlera, Shqipëria e ka kokën më lart dhe është bërë më europiane. Dihet kush është familja që prodhon sherr në pallat dhe kush është familja qytetare që prodhon mirësi dhe dashuri. Ashtu edhe në politikë: dihet familja që i del Zot Shqipërisë, dihet familja që i vë flakën vendit. Sot ajo familja tjetër, të paktën nuk i vë dot flakën Shqipërisë; ata mund të zihen me njëri-tjetrin, mund të djegin shtëpinë e tyre, selinë e tyre, por sot nuk i bëjnë dot dëm Shqipërisë. Nga ana tjetër, PS mund të vazhdojë t‘i bëjë edhe mirë Shqipërisë, Njësisë 1, Tiranës sonë, qytetit tonë, bashkive të tjera, se është familja që rritet”, deklaroi ai.
Veliaj bëri thirrje për rritjen e anëtarësimeve në PS, si e vetmja skuadër që ka treguar se u ka dhënë mundësi të rinjve dhe të rejave.
“Nëse do të lësh shenjë, nëse do të bësh emër, nëse do që njerëzit të thonë se kur ai çuni dhe goca u morën me partinë tonë, morën vendime të mira për këtë lagje për këtë komunitet, për këtë bashki dhe për këtë vend, atëherë anëtarësohu në PS, si e vetmja forcë, e vetmja skuadër që i ka dhënë mundësinë të rinjve. Te PS i jepet shansi dhe atij që shiste fiq, edhe atij që është çuni i askujt ose goca e askujt, pavarësisht mbiemrit, pavarësisht prejardhjes tënde, pavarësisht teserës, i jepet shansi një çuni dhe një goce që t’ia dalë me sukses këtu në Tiranën tonë të madhe me 1 milion ëndrra, me 1 milion ambicie, por edhe me 1 milion mundësi”, deklaroi ai.
Drejtuesi Politik i PS për Qarkut e Tiranës, Erion Veliaj, gjatë shpërndarjes së kartave të reja të anëtarësisë në Njësinë 1, tha se Partia Socialiste duhet të krahasohet me vetveten dhe jo me kundërshtarin, që sot është katandisur kokoshi një thelë.
“Ne nuk i kemi bërë kurrë betejat duket bërë llogaritë e kundërshtarit. Po të jetë për kundërshtarin, nuk ka nevojë të përgatitemi një vit përpara. Po të shikoni si janë katandisur kokoshi një thelë - se si partia që deri në 2013 qeveriste gjithë vendin, në 2015 qeveriste vetëm Tiranën, në 2017 qeveriste vetëm bulevardin me ato çadrat, në 20-21 qeveriste vetëm oborrin e partisë, në 2023 kishte vetëm rrugicën “Mustafa Matohiti”, në 2024 kanë vetëm një dritare - pra, po të jetë për t’u matur me ta, loja ka mbaruar. Por ne duhet të matemi me veten tonë. Ne duhet të jemi versioni ynë më i mirë. Ne duhet të jemi skuadra më e mirë që kemi qenë ndonjëherë, më të hapur se kurrë, më të fortë se kurrë. Ta bëjmë krahasimin me veten tonë”, tha Veliaj.
Kreu i Bashkisë nënvizoi se mazhoranca ka si filozofi të sajën ndërtimin, ndërsa opozita shkatërrimin. “Po të dëgjosh palën tjetër thonë: ‘Protestojmë se kemi inat socialistët’. Ne nuk angazhohemi, nuk mobilizohemi, nuk bëjmë beteja se kemi inat dikë, për inat të dikujt. Ne jemi në këtë betejë sepse kemi dashuri, kemi pasion. Ne duam që të ndërtojmë gjëra, jo që të prishim. Kur dëgjon ata thonë do bëjmë një protestë të shkatërrojmë këtë ose atë, kurse ne themi: ‘Do mblidhemi të ndërtojmë një shkollë, një kopësht, çerdhe, park, lulishte, një mjedis që i jep vlerë qytetit tonë, lagjes tonë, njësisë tonë, komunitetit tonë. Janë dy filozofi të ndryshme! Ata janë me filozofinë e inatit, ne me filozofinë e pasionit. Ne kemi filozofinë e punës, ata filozofinë e dhunës. Ne duam të ndërtojmë, ata duan të shkatërrojnë. Këto janë dy botë! Një familje që ndahet, duke përjashtuar njerëz, që i nxjerr njerëzit nga shtëpia si në Big Brother, nuk është një familje që rritet”, theksoi Veliaj.
Lajme të tjera
-
Protesta e PD-së, Kreshnik Çollaku për Report Tv: Ia arritëm qëllimit! Ja 3 rrugët për 'Qeverinë Teknike'
26 Nëntor, 19:42 -
DINAMIKA/ Çfarë dimë deri më tani për vrasjen e Martin Canit? Ende mungon ekspertiza e vdekjes! Shoku i autorit dërgohet në vendin e ngjarjes, tregon si nisi sherri
26 Nëntor, 18:19 -
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21 -
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: E turpshme
26 Nëntor, 16:30
-
Enver Hoxhaj nderohet me titullin ‘Doctor Honoris Causa’ në Tiranë, Veliaj: Urë lidhëse mes Shqipërisë dhe Kosovës
26 Nëntor, 16:12 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
KUJDES PAMJET E RËNDA/ U ekzekutua para pallatit, momenti kur biznesmeni Eduart Reçi qëllohet me plumb në kokë dhe bie në tokë
26 Nëntor, 14:19
-
VIDEO/ Dalin pamjet e rënda të sherrit mes të rinjve te 'Qyteti Studenti', 20 vjeçari mori tre goditje me thikë
26 Nëntor, 13:06
-
Lezhë/ Vranë për hakmarrje biznesmenin në Mamurras, Apeli lë në fuqi 47 vite burgim për 2 autorët! Shkak rrahja dhe ngacmimi i një vajze
26 Nëntor, 12:29 -
VIDEO/ Vrasja e ndërtuesit Eduart Reçit, del në gjykatë polici i komisariatit nr 2 dhe i vëllai! Ja çfarë deklaruan në sallën e gjyqit
26 Nëntor, 11:51 -
Vrasja e Martin Canit, 14 vjeçari i arrestuar si autor transferohet në burgun e të miturve Kavajë! Mjeku i spitalit privat vonoi 2 ditë epikrizën e tij (EMRI)
26 Nëntor, 10:53
