12 viktima dhe 46 raste të reja me Covid-19 në Maqedoninë e Veriut/ Filipçe: Vaksina e Pfizer dhe Biontech arrin në Shkurt

Maqedonia e Veriut gjatë 24 orëve të fundit ka regjistruar 46 raste të tjera të COVID-19, duke e çuar numrin e përgjithshëm të të infektuarve nga ky virus në 83.789 .

Sipas të dhënave nga Ministria e Shëndetësisë,  gjatë 24 orëve të fundit u regjistruan 12 viktima, duke bërë që numri i viktimave në vend të arrijë në 2.522.

Ndërkohë që numri i rasteve aktive aktualisht është 18.798.

Në njohë kohë që vendi përballet më një përmirësim të situatës epidemiologjike ministri i shëndetësisë Venko Filipçe  njoftoi se në muajin shkurt, pritet që dërgesa e parë e vaksinës së Pfizer/Biontech kundër COVID-19.  Sipas ministrit dërgesa të tjera do të mbërrijnë edhe gjatë muajve mars dhe prill, por numri i vaksinave nuk do të bëhet publik, kërkesë kjo e vetë kompanisë prodhuese.

Ndërkohë, Maqedonia e Veriut ka siguruar edhe 833.000 doza të vaksinës përmes programit COVAX, që do t’i kushtojnë shtetit rreth 8 milionë euro, të cilat në bazë të deklaratave do të vijnë në muajin mars.

TAG:
• Maqedoni e Veriut
• Koronavirus
• COVID-19
• Vaksina Covid