POP 5

Lajmet më të lexuara të 5 minutave të fundit

Kronikë

13 vite burg në mungesë Lutajt 
tentoi të trafikonte drogë nga Vlora

Tiranë - Prokuroria e Krimeve të Rënda ka dënuar në mungesë Nadir Lutaj-n i cili përmes rekrutimit të një drejtuesi automjeti, tentoi që të kalonte nga Vlora drejt Italisë një sasi prej 4.5 kilogram lëndë narkotike. 
13 vite burg në mungesë Lutajt <br />tentoi të trafikonte drogë nga Vlora
Tiranë - Prokuroria për Krime të Rënda ka kërkuar 13 vite burg për Nadir Lutajn, pasi nga Vlora tentoi që të trafikonte lëndë narkotike drejt Italisë.

Sipas pretencës së paraqitur nga organi i akuzës, Lutaj kundrejt shpërblimit ka “rekrutuar” Ilir Hamollin për të trafikuar sasinë prej 4.5 kg heroinë, e kapur nga policia në pikën e kalimit kufitar të Portit Vlorë në dhjetor të vitit 2013.

Që nga dita e zbulimit të drogës deri tani, akuza ka zbardhur mënyrën sesi u tentua që të trafikohej droga, ndërkohë që policia ende nuk ka mundur që ta prangosë Lutajn.

Deri tani është dënuar vetëm bashkëpunëtori i Lutajt, shoferi Ilir Hamolli që kishte marrë shumën 3000 euro nga Lutaj për të trafikuar drejt Italisë sasinë e heroinës, e cila ishte e fshehur në disa pako, në pjesë të ndryshme të një automjeti tip autoveturë.

Ja pretence e Prokurorisë
Prokuroria për Krime të Rënda kërkon dënimin me 13 vite burgim për shtetasin Nadir Lutaj, i akuzuar për veprën penale të “trafikut të lëndëve narkotike”, mbetur në tentativë, pasi ka qenë personi që, kundrejt shpërblimit, ka “rekrutuar” shtetasin Ilir Hamolli për të trafikuar nga Shqipëria në drejtim të Italisë sasinë prej 4.5 kg heroinë, e kapur nga policia në pikën e kalimit kufitar të Portit Vlorë, në dt. 21.12.2013.

Hetimi ndaj të pandehurit Lutaj është zhvilluar në mungesë të tij, ndërkohë që bashkëpunëtori, shoferi Ilir Hamolli është arrestuar dhe dënuar në një proces të veçuar me 13 vjet burgim.

Nga hetimi i Prokurorisë për Krime të Rënda rezulton se shtetasi Ilir Hamolli ka marrë shumën 3000 euro nga i pandehuri Nadir Lutaj për të trafikuar drejt Italisë sasinë e heroinës, e cila ishte e fshehur në disa pako, në pjesë të ndryshme të një automjeti tip autoveturë.

Pas arrestimit, shoferi i mjetit ka tentuar të mbulojë bashkëpunëtorin e tij, duke deklaruar se lëndën narkotike ia ka dhënë shtetasi “një shtetas nga Librazhdi”. Ndërkohë, nga hetimet ka rezultuar se organizatori i këtij rasti trafiku ka qenë shtetasi Nadir Lutaj, nga qyteti i Fierit.

Redaksia Online
(F.T/Shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Përfitojnë 5 mijë lekë bonus për muajin prill, pensionistët: Të jepet çdo muaj! Marrim shumë pak pension, nuk na del

Përfitojnë 5 mijë lekë bonus për muajin prill, pensionistët: Të jepet çdo muaj! Marrim shumë pak pension, nuk na del

30 Mars, 20:24 nga Ledina Jakimi