1/8 e Botërorit, Belgjika për t'u konfirmuar ndaj Japonisë

Pasi fitoi grupin G me pikë të plota Belgjika kërkon të konfirmohet edhe në fazën me eliminim direkt.

“Djajtë e kuq” do kërkojnë një biletë për në çerekfinale kur të përballen në mbrëmje me Japoninë në Rostov Arena. Trajneri Roberto Martinez pas i la pushim ndaj Anglisë rikthen në formacion artilerinë e rëndë me Eden Hazard, Lukaku, De Bruyne e të tjerë.

Martinez kërkon që skuadra e tij të ketë kujdes: “Skuadra është shumë mirë fizikisht dhe psikologjikisht. Japonia është një skuadër që ka lojtarë me eksperiencë si Kagawa dhe Honda dhe u kërkoj futbollistëve që të jenë të kujdeshëm por patjetër që ne duam kualifikimin,”- e mbyll Martinez.

LEXO EDHE:
Disfatat në muajin mars, FIFA zbret Shqipërinë në renditje! Kosova në vend numëro, Anglia humb podiumin

Japonia e mbyll e dyta grupin H dhe u kualifikua më tej falë rregullit Fair Play ndërsa në fazën e 1/8 është kualifikuar edhe në 2002 dhe Botërorin e vitit 2010.

Ka një precedent mes Belgjikës dhe Japonisë që daton në Botërorin e vitit 2002 dhe dueli u mbyll në barazim 2-2. Për trajnerin e aziatikëve Belgjika nuk është e pamposhtur.

Akira Nishino drejtuesi i “samurajve blu” deklaron: "Belgjika është një super skuadrër ,një nga më të mirat por askush nuk është i pamposhtur. Gjatë këtyre ditëve i kemi studiuar. Kanë yje në skuadër por edhe pika të dobëta. E ndiej që lojtarët e mi kanë shumë për të dhënë dhe besoj se do arrijmë diçka fantastike,”-e mbyll Nishino.

TAG:
• boterori 2018
• japonia
• belgjika

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.2%

• Të gabuar

  84%

• Nuk e di

  4.8%

Vota total: 5037

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di