POP 5

Lajmet më të lexuara të 5 minutave të fundit

20 vjet nga ikja, kujtohet Teodor Keko në Katedralen Ortodokse! Xhuvani, Çaushi e Gjebrea interpretuan vargjet e tij

Shkrimtari, gazetari dhe politikani Teodor Keko, 20 vjet nga ikja fizike u kujtua në një mbrëmje të veçantë në Katedralen Ortodokse. Poezia, kënga, muzika e baleti, një përshpirtje poetike bëri bashkë artistë të njohur të skenës.

Mbi 4 dekada dashuri e pakushtëzuar, prej dhjetorit të 1981-shit, kur patën takimin e parë, që miqësisë studentore do i jepte tjetër drejtim, Xhuli mban të gjallë kujtimin e bashkëshortit të saj, Teodor Kekos…

Për fjalën e ngrohtë që gdhendi në prozë e veçmas poezinë e tij, përcjelljen e të vërtetës në gazetat e kohës me gjuhë të përzgjedhur e finesë, fjalimet e tij të pangatërrueshme në Parlament, si deputet jo i zakontë, 20 vjet nga ikja, Teodor Keko u kujtua mbrëmjen e së enjtes në Katedralen Ortodokse, përmes vargjeve të tij.

Luiza Xhuvani, Kastriot Çaushi, e Kristian Koroveshi i dhanë zë poezisë së Teodor Kekos, nën tingujt e pianistes Etrita Ibrahimi e performancave të baletit nga Semela Skëndereasi. 

I ftuar ishte edhe kantautori Ardit Gjebrea që performoi në piano, e interpretoi poezi e këngë me fjalët e Kekos. Ndërsa interpretimit të vargjeve të tij iu bashkua edhe ministrja e Kulturës Elva Margariti, e cila e konsideroi poezinë e Kekos si monument të fjalës, ndërsa sallën e mbushur plot, si një përgjigje, për letrat që Xhuli vijon t’i shkruajë Dorit të saj.

Mbrëmja në Katedrale krijoi një përshpirtje poetike, në mbyllje të së cilës,  të ftuarit recituan vargjet hymn të dashurisë, që poeti i dedikoi “Xhulit”.

SI.E./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49