POP 5

Lajmet më të lexuara të 5 minutave të fundit

Ekonomi

2019 shton të pasurit në Shqipëri, Tatimet: 3 mijë veta më shumë se në 2018

3 mijë persona më shumë se 2018-a, patën në vitin 2019 mbi 2 milionë lekë të rinj të ardhura vjetore. Këtë shifër, Report Tv e mëson me burime nga Drejtoria e tatimeve, ku individët rezidentë në Shqipëri kanë detyrimin ligjor t’i deklarojnë të ardhurat përmes plotësimit të një formulari online.

Viti 2019 pati një rritje të konsiderueshme të personave me të ardhura vjetore mbi 2 milionë lekë të rinj, si pjesë e kategorisë që kanë detyrim t’i deklarojnë ato në Drejtorinë e Tatimeve.

12 mijë individë rezident në vendin tonë, në krahasim me 9 mijë që ishin në vitin 2018, kanë aplikuar pranë Tatimeve për të dorëzuar Deklaratën Individuale Vjetore të Ardhurave (DIVA), afat i cili përfundoi më 3 gusht.

Por nga burojnë këto të ardhura që duhen deklaruar? Sipas ligjit tatimor, kushdo që ka mbi 2 milionë lekë në vit të ardhura, nga paga mujore apo shpërblimet në punë,  qiratë, nga shitja e pasurisë së paluajtshme, apo të ardhura të siguruara nga burime të tjera, ka detyrimin ligjor për t’i deklaruar këto të ardhura një formë kjo, edhe për të justifikuar pasurinë e vënë.

Në ndryshim nga më parë, këtë vit deklarata ka qenë e paraplotësuar automatikisht me të dhënat e të ardhurave vjetore bruto nga pagat apo shpërblimet nga marrëdhëniet e punësimit për individët, si edhe me përllogaritjen e Tatimit mbi të ardhurat nga Punësimi. E vetmja gjë që qytetari duhet të plotësojë janë të ardhurat nga burimet e tjera.

Burime nga Drejtoria e Tatimeve, thanë për Report Tv se deklaratat të cilat dorëzohen në mënyrë elektronike nëpërmjet sistemit e-filing, do të rishikohen për të shmangur gabime që mund të jenë bërë në plotësim dhe për të bërë korrigjimet e nevojshme.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/08/2020 23:46

    Sikur te mos fshihen te ardhurat e sikur taksat e tatimmet te kerkoheshin tamam e te mos faleshin,zvogeloheshin ose te pagueshin sipas ligjeve ,keto statistika do ishin komplet ndryshe.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46