POP 5

Lajmet më të lexuara të 5 minutave të fundit

Ekonomi

2019 vit 'i errët' për prodhimin e energjisë elektrike, INSTAT: Ra me 39,1 %

Prodhimi i energjisë elektrike gjatë vitin 2019 ka pësuar një rënie të ndjeshme me 39.1% krahasuar me 2018. Kjo luhatje e ndikuar nga thatësira e shumta, ndikoi drejtpërsëdrejti edhe në financat e buxhetit të shtetit.

Viti 2019 mund të konsiderohet si një nga periudhat me prodhimtari të energjisë elektrike më të ulët të 5 viteve të fundit. 

Referuar të dhënave të INSTAT në vitin e kaluar prodhimi i energjisë elektrike ka rënë me 39,1 % krahasuar me 2018. 

Prodhimi neto vendas i energjisë elektrike në 2019 arriti në vlerën e 5.2 miliardë kilovatorëve, nga 8.55 miliardë të prodhuar në vitin 2018. 

Sipas të dhënave zyrtare, në prodhimin e energjisë kontributin më të madh pozitiv e kanë dhënë hidrocentralet publike (Koman, Vau i Dejës dhe Fierzë) me prodhim në masën e 57,2 % të totalit, ndërkohë që hidrocentralet private apo koncesionare prodhuan 42,3 %.

Nga të dhënat vihet re edhe niveli minimal i prodhimit energjetik nga burimet e tjera të rinovueshme (diellore, nga era, biomasa, etj) pasi është në masën e 0,5 % të prodhimit neto.

Përqendrimi i energjisë elektrike tek kushtet hidrike ka dhënë edhe një goditje të ndjeshme në financave të shtetit për vitin e kaluar, ku ky sektor pati impaktin më të madh negativ, përgjatë 2019. 

Nga ana tjetër ky përkeqësim në prodhimin e energjisë ka ndikuar drejtpërsëdrejti në rritjen e importeve bruto me 1.8 herë në 2019 dhe uljen e eksporteve bruto me 3,5 herë, krahasuar me të njëjtën periudhë të një viti më parë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58