Kush urdhëroi vrasjet më ‘21 janar'? Gruaja e Aleks Nikës 3 orë në SPAK: Dhashë fakte të reja! Vijon dëshmia e xhaxhait! (VIDEO)

Rajmonda Nika, gruaja e Aleks Nikës, një nga 4 protestuesit e vrarë më '21 janar', ka dëshmuar për më shumë se 3 orë në SPAK, me shpresën për të vënë drejtësinë në vend për humbjen e jetës së bashkëshortit të saj.

"Dhashë sqarime dhe disa fakte të reja" tha ajo pasi doli nga SPAK.

Gruaja që insistoi deri në Gjykatën e Strasburgut për hetimin e 21 janarit nga SPAK si vrasje shtetërore, është paraqitur para oficerëve të Byrosë Kombëtare të Hetimit për kallëzimin ndaj ish-kryeministrit Sali Berisha, ish-Ministrit të Brendshëm Lulzim Basha dhe ish-drejtuesit të gardës Ndrea Prendi në orën 10:00. Bashkë me të në SPAK është paraqitur edhe Mark Nika.

Gruaja dhe xhaxhi i Aleks Nikës kanë pretenduar se kanë një kasetë të cilën do ta dorëzojnë në ditët në vijim në SPAK, ku ish-kreu i Gardës Ndrea Prendi jep urdhër që të qëllohet ndaj protestuesve, pas komunikimit me Sali Berishën. 

Lidhur me këtë kasetë ata thanë se audio komunikimin e Prendit me gardistët do e dorëzojnë një herë tjetër.

Me dyshimin se veprat penale mund të jenë kryer nga ish-funksionarë të lartë shtetërorë, gjatë ushtrimit të detyrës, SPAK heton për 3 vepra të rënda penale, “Vrasja në rrethana të tjera cilësuese” e kryer në bashkëpunim kundër dy ose më shumë personave dhe në mënyrë të rrezikshme për jetën e shumë personave, “Shpërdorim i detyrës” kryer në bashkëpunim, “Kryerja e veprimeve që pengojnë zbulimin e së vërtetës” kryer në bashkëpunim.

Lajmi në përditësim...

Kliko këtu për të lexuar vendimin e plotë të gjykatës

M.Q./S.G/Shqiptarja.com

TAG:
• rajmonda nika
• Aleks Nika
• spak
• 21 janari