POP 5

Lajmet më të lexuara të 5 minutave të fundit

Kultura

22 mars 1373, dita kur përfundoi qëndisja e Epitafit të Gllavenicës

Drejtori i Muzeut Historik Kombëtar Dorian Koçi ka kujtuar një datë të shënuar, 22 marsin 1373, që është dita kur përfundoi qëndisja e Epitafit të Gllavenicës. 
22 mars 1373, dita kur përfundoi qëndisja e Epitafit të Gllavenicës

Drejtori i Muzeut Historik Kombëtar Dorian Koçi ka kujtuar një datë të shënuar, 22 marsin 1373, që është dita kur përfundoi qëndisja e Epitafit të Gllavenicës. 

“Epitafi i Gllavenices është unikal dhe është vlerësuar si i treti në Europë për nga rëndësia në llojin e vet. Epitafi është një nga objektet më të rëndësishëm në Muzeun Historik Kombëtar”, ka shkruar Koçi në një status të tijin në FB.

 “Epitafi i Gllavenicës” është një nga objektet më të rëndësishme të besimit ortodoks që është ruajtur dhe ka ardhur deri në ditët tona. Ky Epitaf është një kryevepër e Artit Mesjetar Shqiptar dhe një ndër tre vepra e këtij lloji në botë. Në qendër të tij është trupi i Krishtit të vdekur, shtrirë mbi një çarçaf, rrethuar nga shenjtorë, serafinë e engjëj. Mbi të është shkruar: “U plotësua (u qëndis) ky areas (epitaf) i gjithënderuar dhe i hyjshëm i së mbishenjtës Hyjëlindëse të patundur, me shpenzimin dhe mundimin e episkopit të gjithëhirshëm Kalisit të Glavenicës dhe Beratit në muajin mars 22, viti 6881 (1373). Ti që zotëron jetën, ah! Si (je) trup i vdekur pa frymë. Në kohën e zotërimit të zotërijve të shumëlartë të Serbisë, Rumanisë dhe gjithë Albanit dhe vëllezërve Gjergjit dhe Ballshës. Dora e Gjergj Arianitit dhe arëqëndisësit”.

Studiuesit mendojnë se Epitafi i Glavenicës është qëndisur nga dora e murgut Savia, me porosi të Gjergj Arianitit, gjyshi i vjehrrit të Skënderbeut. Epitafi është zbuluar në bodrumin e një shtëpie të rrënuar në Ballash, e cila në atë kohë ishte dioqezë, ku ishte futur për tu ruajtur si një objekt shumë i vlefshëm dhe se ishte dëmtuar nga minjtë. Në vitin 1974 u kërkua nga Franca për një vlere prej 2.4 milion dollarë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46