22 tetor- 22 nëntor zhvillohet provimi për mësuesit, çfarë duhet të dinë kandidatët që të mos s'kualifikohen

TIRANË- Të martën e 22 tetorit, të gjithë kandidatët që dëshirojnë të ushtrojnë profesionin e mësuesit, i janë nënshtruar provimit të shtetit.

Provimi u zhvillua në ambientet e Qendrës së Shërbimeve Arsimore, ku kandidatët që kanë përfunduar procesin e regjistrimit pranë ZVA, janë paraqitur 30 minuta përpara orarit zyrtar, në 09:00 të mëngjesit.

Provimet kanë nisur me kandidatët për arsimin fillor, ku provimet për këtë profil do të zgjasin cdo ditë , duke përjashtuar fundjavën, deri më datë 28 tetor.

Provimi i shtetit  do të zhvillohet për profile të ndryshme, ku përmendim Gjuhë Shqipe dhe Letërsi, Histori Gjeografi e Gjuhë Angleze.

Arsim Fillor
Gjuhë Shqipe dhe Letërsi
Histori
Histori Gjeografi
Gjeografi
Kimi
Biologji Kimi
Biologji
Gjuhë Angleze
Gjuhë Frënge
Gjuhë Italiane
Gjuhë Greke
Gjuhë Gjermane
Arte Figurative
Instrumente Muzikore
Edukim Fizik
Matematikë
Informatikë
Matematikë Informatikë
Matematikë Fizikë
Fizikë

Ditën e provimit, kandidati duhet të jetë i pajisur me:

-Letërnjoftim (Kartë ID ose Pasaportë, dokumenti origjinal)
-Kopje të Kartës ID ose Pasaportës;
-Faturën origjinale me vulën përkatëse, të pagesës së tarifës së provimit për llogari të QSHA, të kryer në një bankë të nivelit të dytë 
-Kopje (jo të noterizuara) të diplomave të ciklit të parë dhe të dytë të studimeve të përfunduara;

Në mungesë të pajisjes me diplomë të ciklit të dytë të studimeve, kandidati duhet të pajiset nga Universiteti me një vërtetim ku të specifikohet që ai/ajo i ka shlyer të gjitha detyrimet për përfundimin e ciklit të dytë të studimeve në edukim, si dhe njohjen e gjuhës së huaj.

Kandidatët, të cilëve u mungojnë këto dokumente, nuk mund të marrin pjesë në provimin e shtetit.

Për t'u mos penalizuar gjatë zhvillimit të provimit, kandidatët duhet që të respektojnë disa rregulla. Më konkretisht:

-Ndalohet marrja me vete dhe përdorimi i celularëve dhe mjeteve të tjera të komunikimit gjatë zhvillimit të provimit
-Ndalohet komunikimi gjatë zhvillimit të provimit
-Ndalohet duhani dhe konsumimi i ushqimit në mjediset e provimit

Sipas ligjit “Për profesionet e rregulluara me ligj”, të gjithë të diplomuarit, apo edhe mësuesit, duhet t'i nënshtrohen testimit të mësuesve për t’u punësuar në një prej shkollave të arsimit parauniversitar.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete