POP 5

Lajmet më të lexuara të 5 minutave të fundit

Ekonomi

Drejt Punës

2325 punonjës që ende nuk kanë marrë pagat e luftës! Tatimet: Keni afat deri më 25 shtator për të rregulluar llogaritë

Shtyhet afati që kishin qytetarët për të korrigjuar llogaritë bankare në mënyrë që të marrin pagat e luftës. Afati i ri për të rregulluar IBAN-in dhe emrin e bankës është 25 shtatori. Aktualisht janë 2325 punonjës që ende nuk kanë marrë pagat e luftës për shkak të gabimeve në llogari.

Mbi 2325 punonjës ende nuk kanë marrë pagat e luftës të miratuara nga qeveria, si pasojë e gabimeve në llogaritë bankare.

Për këtë arsye Drejtoria e Përgjithshme e Tatimeve ka vendosur që të shtyjë afatin që kishin punonjësit për të korrigjuar IBAN-in e llogarive bankare dhe emrin e bankës ku kanë llogarinë.

Afati fillestar për saktësimin e llogarive ishte 31 gushti i këtij viti, ndërkohë që afati i ri tashmë është data 25 Shtator 2020.

“Informojmë të gjithë individët përfitues të ndihmës financiare sipas Paketave 1 dhe 2, të cilët ende nuk e kanë marrë masën e caktuar të përfitimit për shkak të plotësimit në mënyrë të pasaktë të të dhënave të llogarisë bankare (emër banke dhe/ose IBAN), që afati për korrigjim të të dhënave të llogarisë bankare shtyhet deri në datën 25 Shtator 2020”, thuhet në njoftimin e tatimeve.

Janë 1803 punonjës që ende nuk kanë marrë pagën prej 40 mijë lekësh, dhe 522 punonjës që ende nuk kanë përfituar 3 pagat nga 26 mijë lekë. Drejtoria e Tatimeve për ditë me radhë iu ka bërë thirrje përfituesve që të rregullonin llogaritë, nëpërmjet formularit që u publikua në faqen zyrtare të saj. Ndërkohë deri më 21 gusht pagën e luftës prej 26 mijë lekë e përfituan 130,556 persona, ndërsa pagën prej 40 mijë lekësh e morën 172,473 qytetarë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako