POP 5

Lajmet më të lexuara të 5 minutave të fundit

Politikë

25 prilli, Yuri Kim: Kush pengon votën e lirë të hetohet plotësisht! Askush s'është mbi ligjin dhe s'duhet të ketë trajtime të veçanta

Ambasadorja Yuri Kim dha një mesazh të qartë se nuk mund të ketë asnjë trajtim të veçantë për ata që shkelin ligjin dhe pengojnë votën e lirë të qytetarëve.Këtë mesazh të SHBA, Kim ia përcolli Prokurorit të Përgjithshëm, Olsian Çela që u takua ditën e hënë, por edhe Drejtorit të Përgjithshëm të Policisë së Shtetit, Ardi Veliu me të cilin u takua më herët.

"Nuk mund të ketë asnjë trajtim të veçantë për ata që shkelin ligjin dhe  pengojnë votën e lirë", ishte mesazhi i Ambasadores së SHBA-së, Yuri Kim për institucionet që garantojnë lirinë e votës dhe mbarëvajtjen e procesit zgjedhor dhe hetojnë krimet zgjedhore. Këtë mesazh të SHBA, Kim ia përcolli Prokurorit të Përgjithshëm, Olsian Çela që u takua ditën e hënë, por edhe Drejtorit të Përgjithshëm të Policisë së Shtetit, Ardi Veliu me të cilin u takua më herët.

Kim shkruan në twitter se do të takohet edhe me shefin e SPAK, Arben Kraja, ku në qendër të diskutimeve do të jetë procesi zgjedhor i 25 prillit. SPAK është edhe organi kompetent për të hetuar krimet zgjedhore.

"Unë u takova me Prokurorin e Përgjithshëm Olsian Çela të hënën dhe do të takohem së shpejti me shefin e SPAK, Arben Kraja. U takova dje me Drejtorin e përgjithshëm të Policisë së Shtetit, Ardi Veliu. Mesazhi i SHBA: Ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen plotësisht. Asnjë trajtim i veçantë. Pa përjashtime. Askush nuk është mbi ligjin", shkruan Kim në twitter.

Më 19 prill, ambasadorja e SHBA-së Yuri Kim është takuar edhe me kreun e Policisë së Shtetit, Ardi Veliu ku i kërkoi polici profesionale dhe të paanshme për zgjedhjet e 25 Prillit. Në zgjedhjet parlamentare të së dielës do të angazhohen rreth 8000 efektivë policie për mbarëvajtjen e procesit zgjedhor në gjithë vendin.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12