POP 5

Lajmet më të lexuara të 5 minutave të fundit

Politikë

3 kriteret e Bashës për të qenë ministër i tij nëse fiton zgjedhjet e 25 prillit, sfidon hapur LSI-në

Nëse fiton zgjedhjet, Basha do të përfshijë në qeverinë e tij personazhe që kanë identitet të fortë politik, të përfaqësojnë interesa të grupeve shoqërore si dhe të mos kenë qenë më parë ministra.

3 kriteret e Bashës për të qenë ministër i tij nëse fiton zgjedhjet e 25 prillit, sfidon hapur LSI-në

Kryetari i Partisë Demokratike, Lulzim Basha, ndonëse shquhet për mungesë serioziteti sa i takon mbajtjes së premtimeve, ka shpallur tre kritere që duhet të plotësojnë kandidatë për ministër, nëse opozita do të fitojë zgjedhjeve e 25 prillit. Kushtet janë të jenë personazhe me identitet politik, pra jo anonimë, të përfaqësojnë grupe të ndryshme interesash si dhe të mos kenë qenë më parë ministra. Dy kushtet e para, Lulzim Basha, e ka shprehur mes rreshtave në librin e tij ‘Misioni im’.

“...Qeverisja ime me një bazë të gjerë përfaqësuese, që fillon nga e djathta në të majtë dhe me shumë partnerë të koalicionit, përfaqëson sensibilitete të ndryshme të shoqërisë dhe do të ketë një filozofi krejtësisht të ndryshme nga kjo e sotmja... Ne kemi parë këto vite ministra të cilët nuk kanë asnjë lidhje me elektoratin e Partisë Socialiste. Ata kanë qenë njerëz jopërfaqësues. Të vetmen gjë që kanë përfaqësuar, ka qenë egoja dhe interesat personale të shefit të tyre. Si të tillë, ata nuk mund t'i shërbejnë asnjëherë interesit publik, por vetëm interesit personal të tyre. Ministrat e qeve risë sime të ardhshme do të jenë zgjedhje krejt të tjera. Ata do të jenë përfaqësues me identitet politik dhe profesional dhe me lidhje të forta me elektoratin, në shembullin e të gjithave...”.

Ndërkaq, ditën e sotme, Lulzim Basha, në një studio televizive, shpalli edhe një kriter tjetër. Basha tha se anëtarët e kabinetit të tij qeveritar, nuk duhet të kenë qenë më parë ministra. Ky qëndrim lexohet si një mesazh i qartë për LSI-në, pasi përjashton automatikisht Perit Vasilin, Luan Ramën, Edmond Haxhinaston dhe Klajda Gjoshën nga planet e tij për qeverinë e ardhshme, gjithnjë nëse fiton zgjedhjet. 

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Temperatura të ulëta, reshje shiu dhe dëbore, parashkimi i motit për këtë javë

Temperatura të ulëta, reshje shiu dhe dëbore, parashkimi i motit për këtë javë

13 Janar, 07:07