3 ligjet, Meta: Berisha mos
bojkoto, prano kompromisin

TIRANE - Kryetari i LSI-së akuzon Berishën se nga një kërkues për të votuar 3 ligjet është kthyer në një bojkotues dhe e fton të jetë më i qartë dhe të pranojë kompromisin e ofruar nga LSI sipas të cilit 3 ligjet të miratohen sot dhe të hyjnë në fuqi në shtator me parlamentin e ri.

“Ne pamë parodinë e radhës edhe këtë herë duke ndjekur sesi kryeministri Berisha nga një kërkues në të kaluarën po kthehet në një bojkotues të tre ligjeve. Nuk është serioze të mos miratohet kompromisi që propozuam dhe është shumë i arsyeshëm.  Çdo përpjekje për të mos kuptuar thelbin konstruktiv të propozimit tonë është përpjejkje për tu arratisur nga përgjegjësitë që që duhet të ndërmarrë. Nëse vazhdon me idetë e tij ëpr të provokuar mosmiratimin e tre ligjeve është përgjegjësi e tij. Nëse vazhdon me idenë e mbajtjes së referendumit pas zgjedhjeve kërkon të përgatisë bojkotimin e 3 ligjeve nga opozita e nesërme e tij që do të vijë më pas. “- tha Meta.

Sipas kreut të LSI-së Berisha po bën përpjekje për t’u arratisur nga përgjegjësitë dhe se kompromisi për miratimin e tre ligjeve është "konstruktiv"

META: BERISHA TE NDRYSHOJE MENDIM
I pyetur për një marrëveshje me PD për plotësimin e vendeve vakante në KQZ me kusht miratimin e 3 ligjeve Meta tha: “Hera e parë që e dëgjoj. Kompromisi ynë është tepër i arsyeshëm dhe konstruktiv.
Opozita pavarësisht se nuk ishte e kënaqur u shpreh se do i votonte. Berisha të ndryshojë mendje e ta bëjë votimin “

META: BERISHA DËSHTOI PËR INFILTRUAR KANDIDATË NË LISTAT E OPOZITËS
“Pas dështimit të tij për të inflitruar në listat e opozitës, kandidatë të tij të besuar, nuk i ka ngelur gjë tjetër veçse të merret me diversion brenda radhëve të opozitës që nuk ka për të funksionuar, por goditja më e mirë do të jetë më 23 qershor. Mos u habisni kur të shihni listat e PD pasi në listat e PD do ketë krastitje të mëdha.”


META: PASI TE FITOJME NUK I KERKOJME NISHANIT TE NDERPRESE MANDATIN
“Mbas zgjedhjeve të 23 Qershorit do të ketë balanca të reja në punësimin në administratë, e sidomos atë gjyqësore, duke shmangur nepotizmin. Nëse Alternativa për Rilindje do të qeverisë pas Zgjedhjeve të 23 Qershorit, presidenti do të bashkëpunojë për arritjen e këtyre nismave. Presidenti do të vazhdojë detyrën e tij, pasi ne jemi kundër ndërprerjes jo ligjore të detyrës së tij.”, tha Meta.

(sg/shqiptarja.com)

TAG:
• kqz