30 vjet nga eksodi/ Veliaj: Duke përkujtuar të shkuarën, mund të ndërtojë një të ardhme më të mirë

Gjatë ceremonisë së organizuar për përkujtimin e eksodit të 2 korrikut 1990, kreu i Bashkisë së Tiranës, Erion Veliaj tha se shumë prej atyre që në ato momente të vështira rrezikuan jetën për liri, sot janë sipërmarrës të suksesshëm në vendet ku jetojnë. Ai nënvizoi se vetëm duke përkujtuar të shkuarën, shoqëria jonë mund të ndërtojë një të ardhme më të mirë

“Ndoshta vuajtjet na bënë më të denjë për të kërkuar një aspiratë më të madhe, për të qenë dinjitozë e fisnikë, ku sot jemi shumë krenarë për të gjithë ata shqiptarë të suksesshëm që janë integruar, që janë bërë sipërmarrës dhe punëdhënës të valës së re të emigrantëve që vijnë nga rajoni ynë. Kjo vepër e Gim Radës dhe ky bashkëpunim mes ministrit të Diasporës dhe Ambasadorit gjerman do të jetë një kujtesë e përditshme e atyre kujtimeve, e episodeve, rrëfimeve dhe unë besoj se nëse do kemi një të ardhme si komb, do jetë duke kujtuar ato gjëra që kanë ndodhur për të ndërtuar një histori shumë herë më të mirë se ajo që kaloi”, theksoi Veliaj.

Lajmi kryesor:

Eksodi i 2 korrikut 1990/ Zingraf mesazh në shqip: Ura e parë e bashkëpunimit tonë! Majko: Dita kur shqiptarët hapën negociatat me Europën

/r.k./Shqiptarja.com

TAG:
• pandeli majko
• ambasada gjermane
• eksodi i shqiptareve
• Peter Zingraf