300 000 lekë për provimin
Pranga 4 mësueseve në Kamëz

TIRANE- 4 mësuese janë vënë në pranga ditën e sotme. Arrestimi i 4 mësueseve vjen pikërish në ditën që u zhvillua provimi me zgjedhje për maturën shtetërore, provim që u shoqërua me hije dyshimi për faktin se Parlamenti Rinor zbuloi foto që tregonin se si gjimnaniztët kanë kopjuar përmes Facebook.

Burime pranë policisë së Tiranës bëjnë të ditur se 4 mësueset e arrestuara janë shtetaset Klodjana Kryemadhi, Fatbardha Mahmutaj, Nevila Fiku dhe Arjana Metaliaj. 
4 shtetaset janë mësuese të shkollës së mesme “Ibrahim Rugova” në Kamëz dhe dyshohet se kanë marrë nga 250-300 mijë lekë secila (apo 25--30 mijë lekë te reja ) në favor të ndihmës që u kanë dhënë nxënësve gjatë provimit të sotëm me zgjedhje. 

Prangosja e tyre erdhi pas denoncimit që nxënës të kësaj shkolle bënë pranë policies dhe u krye pas një bashkëpunimi mes policisë së komisariatit të Kamzës dhe seksionit të luftës kundër korrupsionit në drejtorinë e policisë së Tiranës.

(jd/shqiptarja.com)