POP 5

Lajmet më të lexuara të 5 minutave të fundit

Kosova & Rajoni

32 persona akuzohen zyrtarisht për
terrorizëm nga Prokuroria e Kosovës

Prokuroria Speciale e Kosovës ka njoftuar sot se 32 persona janë të dyshuar për terrorizëm pasi i janë bashkuar ISIS-it ku disa kanë bërë ftesa dhe disa të tjerë kanë njoftuar njerëz për tiu bashkuar xhihadistëve 
Prokuroria Speciale e Kosovës, ka ngritur sot aktakuzë pranë Departamentit për Krime të Rënda të Gjykatës Themelore në Prishtinë, kundër 32 të pandehurve për veprat penale: “Rekrutimi për terrorizëm”, “Organizimi dhe pjesëmarrja në grupe terroriste” dhe “Mbajtja në pronësi, kontroll, posedim apo shfrytëzim të paautorizuar të armëve”.

Kështu ka njoftuar Prokuroria.

Të akuzuarit, siç thuhet në komunikatë, janë: I.H., E.B., F.I., K.B., B.S., F.D., E.B., V.G., F.B., K.R., K.B., H.N., B.Sh., B.I., A.B., E.L., J.B., A.K., B.H., Z.B., J.H., H.A., N.A., I.R., A.B., E.B., S.S., H.E., H.L., A.L., M.B. dhe S.H.

“Prej tyre, 27 persona akuzohen për veprën penale: “Organizimi dhe pjesëmarrja në grupe terroriste”, nga neni 143 par.2 i Kodit Penal të Republikës së Kosovës, e disa prej tyre edhe për veprën penale: “Mbajtja në pronësi, kontroll, posedim apo shfrytëzim të paautorizuar të armëve”, nga neni 374 par.1 i Kodit Penal të Republikës së Kosovës”

“2 persona akuzohen për veprën penale: “Rekrutimi për terrorizëm” nga neni 139 i Kodit Penal të Republikës së Kosovës”.

“Kurse, 3 persona akuzohen për veprën penale: “Mbajtjes në pronësi, kontroll, posedim apo shfrytëzim të paautorizuar të armëve”, nga neni 374 par.1 i Kodit Penal të Republikës së Kosovës”.

“Për disa nga të akuzuarit ekziston dyshimi i bazuar se iu kanë bashkangjitur për të luftuar grupit terrorist në Siri, të quajtur ISIS, disa të tjerë kanë bërë ftesë për qytetarë për t’iu bashkuar grupit terrorist “ISIS”, ndërkaq disa të tjerë kanë rekrutuar njerëz për të dërguar në luftën e Sirisë, dhe njëkohësisht kanë mbledhur fonde për organizatat e lartcekura terroriste të shpallura nga OKB-ja”.

“Më 9 gusht të vitit 2014 Prokuroria Speciale e Republikës së Kosovës ka marr aktvendim për fillim të hetimeve kundër 57 personave dhe të njëjtën kohë upatën arrestuar mbi 40 persona. Nga ky grup 32 persona janë akuzuar, për 18 persona kanë pushuar hetimet dhe 7 persona ende gjenden në arrati”.

“Aktakuza është ngritur nga një prokuror vendës i Prokurorisë Speciale të Republikës së Kosovës, i cila i ka propozuar Gjykatës që pas administrimit të provave dhe përfundimit të shqyrtimit gjyqësor të pandehurit, për veprat penale që akuzohen, t’i shpallë fajtor dhe t’i gjykojë sipas ligjit”, thuhet në njoftim.

Redaksia online
(f.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31