36 orë e strehuar nëntokë mes frikës së bombardimeve ruse, gruaja në Kiev: Jam e lumtur që jam gjallë

Ndërsa shtetrrethimi i Ukrainës u hoq, qytetarët e Kievit lanë vendet ku ishin strehuar dhe u rikthyen në shtëpitë e tyre, ato që ende nuk ishin shkatërruar nga bombardimet ruse.  Një grua ka treguar për BBC se ka kaluar më shumë se 36 orë nën tokë dhe shpreh lumturinë pasi ka mundur të kthehet në shtëpi dhe të hajë pak mëngjes.

"Më në fund jam në shtëpi dhe nuk mund ta përshkruaj se si ndihem, jam e lumtur që jam gjallë dhe e sigurt dhe thjesht kam mundësinë të shoh Kievin tim të mrekullueshëm dhe të bukur".

Ajo thotë se ndihet "pak a shumë e sigurt" sepse është kthyer në shtëpi.

Kur ajo shikon nga dritaret sheh "qytetarë normalë ukrainas" të cilët janë të armatosur, të guximshëm dhe të fortë, duke u përpjekur të bëjnë gjithçka që munden për të mbrojtur qytetin e tyre.

"Edhe nëntokë të gjithë po përpiqen të ndihmojnë njëri-tjetrin dhe të ndihmojnë ushtrinë tonë që të jetë më e fortë dhe t'i tregojë botës për situatën tonë këtu," thotë ajo.

Lajmi kryesor:

Bisedimet Kiev-Moskë pa marrëveshje, pritet raund tjetër! Putin: Ukraina të jetë neutrale, më njihni Krimenë! Rusia kërcënon Evropën: Kush i jep armë Kievit mban përgjegjësi

TAG:
• rusia sulmon ukrainen
• kiev
• Bashkimi evropian
• Zelensky
• vladimir putin