'Butrinti',Vokshi-Kumbaros:Ministria 
jo transparente me UNESCO-n

Debatet e ashpra lidhur me ndërtimet në Butrinit mes Albana Vokshit dhe Ministres së Kulturës, Mirela Kumbaro, kanë shoqëruar punën e komisionit të Medias dhe Edukimit që u mbajt pasditen e kësaj të mërkure.

Kryetarja e Komisionit, Albana Vokshi, hodhi akuza se Ministria e Kulturës nuk është treguar transparente me UNESCO-n. Ndërkohë Ministrja Kumbaro mohoi akuzat, teksa akuzoi kryetaren e Komisionit se nuk e lejon të sqarojë si qëndron e vërteta për këtë çështje. 

Debatet te Komisioni i Medias: 

Albana Vokshi: Janë një, dy, tre, katër gjëra që i keni shkelur. UNESCO ju tha ndërpritini punimet në mënyrë urgjente. 

Mirela Kumbaro: Jo, nuk tha ashtu, nuk është e vërtetë. 

Albana Vokshi: Ju tha të ndërprisni punimet sepse nuk i kishit dërguar asnjë projekt. Unë kam datat, kam korrespondencën, është shumë e lehtë të verifikohet. 

Mirela Kumbaro: Unë s'e kam problem t'i hap dhe njëherë ato dosje e t'i lexoj këtu. 

Albana Vokshi: A ju ka kërkuar UNESCO ndërprisni punimet, derisa projekti të shikohet nga institucionet përkatëse të UNESCO-s?

Mirela Kumbaro: E përsëris, nuk është e vërtetë. 

Redaksia Online
l.q/Shqiptarja.com