TIRANE- Tatimet do të bëjnë publike brenda datës 15 shtator listën e kompanive të cilave do t’u falen gjobat e marra gjatë periudhës 1 mars deri më 31 gusht 2013. Vendimi i Qeverisë tashmë është plotësuar dhe me udhëzimin përfundimtar, ndërsa parashikohet që brenda 15 ditëve drejtoritë e tatim taksave do të paraqesin në faqen e tyre listën me kompanitë që do të jenë pjesë e kësaj amnistie.

Udhëzimi i përbashkët mes ministrisë së Financave dhe ministrisë së Zhvillimit Ekonomik është botuar dje në Fletoren Zyrtare duke i hapur rrugë heqjes së këtyre gjobave nga sistemi kontabël i tatimeve.