POP 5

Lajmet më të lexuara të 5 minutave të fundit

Kronikë

'Zyrtari italian respektoi amanetin e
Kodrës, ministria do ta zhvarrosë!'

Për të dytën ditë radhazi banorët e Ishmit kanë penguar zbatimin e urdhrit te Ministrise se Mbrojtjes per zhvarrosjen e eshtrave të piktorit Ibrahim Kodra. Ata kanë protestuar sërish pranë varrit monumental të piktorit duke i kërkuar Ministrisë së Kulturës që të tërheqë vendimin. Banorët dhe të afërm të piktorit shprehen se ka qenë amaneti i tij që të prehet në vendin e lindjes.  VIDEO
DURRES - Kanë vijuar tensionet në Ishëm të Durrësit, ku banorët për të dytën ditë kanë bërë rezistencë ndaj vendimit të Ministrisë së Kulturës për zhvarrosjen e eshtrave të piktorit Ibrahim Kodra, me qëllim ngritjen e një memoriali në kodrat e Liqenit.
 
Edhe sot përfaqësues të Ministrisë së Kulturës si dhe punëtorët e ndërmarrjes komunale të Durrësit do të zbatonin vendimin që në orët e para të mëngjesit. Banorët kanë rrethuar varrin monumental duke mos u lënë asnjë mundësi për të kryer procedurat e zhvarrimit. Ata shprehen se do të ruajnë deri në fund amanetin e Ibrahim Kodrës për tu prehur në vendin e tij të lindjes.
 
"Ne i bëjmë thirrje pushtetit vendor siç është bashkia e madhe dhe shtetit që të merret me këtë problem të mbyllet një çast e më parë".

"Kur është varrosh këtu ka qenë zëvendëskryetar i Bashkisë së Milanos i cili tha që ne do kishim dëshirë ta mbanim Ibrahim Kodrën në Milano por tha: "Meqë dëshira Ibrahim Kodrës është të varrosej në vendin ku ka lindur dhe ne zbatojmë këtë dëshirë natyrale".

"Ky njeri i madh në vepra, në art është i madh edhe në logjikë përderia ka thënë që më çoni në vendin tim".
 
protesta ishem

Ndërkohë nga Ministria e Kulturës ende nuk ka asnjë rrugë komunikimi me banorët për të diskutuar për vendimin që ka nxjerrë. Në këtë situatë punonjësit e ndërmarrjes komunale janë larguar sërish pa e zbatuar vendimin.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13