4 deri 12 vite burg për Dani Alves, El Periodico tregon detaje nga akuzat për përdhunim

4 deri 12 vite burg për Dani Alves, El Periodico tregon detaje nga akuzat për përdhunim

Dani Alves

Futbollisti Dani Alves mbahet në paraburgim pa të drejtën e lirimit me kusht që nga 20 janari i këtij viti, pasi mbi të rëndojnë akuzat për përdhunimin e një vajze 23-vjeçare në klubin e natës Sutton në Barcelonë natën e 30 dhjetorit 2022. Gjykata do mbajë sot seancën e tretë për këtë çështje, me mbrojtjen që kërkon lirim, teksa Prokuroria Publike në bazë të akuzave dhe provave, dënimin.

Ish-mbrojtësi i Barcelonës, PSG-së dhe Juventusit ka rrëfyer se ka pasur marrëdhënie seksuale me vajzën që e ka akuzuar, pasi më herët e mohoi. Një gënjeshtër e thënë për të fshehur tradhtinë nga bashkëshortja dhe për të shpëtuar martesën (Joana Sanz ka bërë kërkesë për divorc).

Alves në dëshminë e parë tregoi se e njihte viktimën, teksa më pas deklaroi se vetëm e kishte “parë”, teksa në fund ndryshoi krejtësisht versionin, duke pranuar se kishte një marrëdhënie me të. El Periodico ka publikuar disa detaje nga përdhunimi dhe momentet në klubin e natës.

Dani Alves kaloi “16 minuta në banjë me vajzën, pas së cilës u filmua nga kamerat duke injoruar viktimën, e cila qante dhe ngushëllohej nga miqtë dhe stafi i disko” dhe nuk u largua para se të pinte diçka të fundit. Alves rrezikon një dënim përfundimtar nga 4 deri në 12 vite burg nëse provohen akuzat.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet