40 mijë persona marshojnë në Vjenë kundër masave anti-COVID, valë protestash në të gjithë Europën

Dhjetëra-mijëra persona kanë protestuar në disa shtete evropiane, duke kundërshtuar kufizimet e vendosura pas rritjes së rasteve me sëmundjen COVID-19.

Mbi 40,000 persona protestuan në Vjenë të Austrisë më 4 dhjetor për të tretën fundjavë me radhë. Austria është bërë shteti i parë në Evropë që rivendosi masën e izolimit për tri javë, pas rritjes së infeksioneve.

Qeveria austriake është e para në Bashkimin Evropian që e ka bërë të detyrueshëm vaksinimin kundër COVID-19, masë e cila pritet të hyjë në fuqi në shkurt të vitit 2022.

Protesta kundër masave anti-COVID janë mbajtur edhe në disa qytete gjermane, teksa shteti po përballet me valën më të keqe të pandemisë.

Gjermania vendosi kufizime të mëdha për personat e pavaksinuar, duke i ndaluar ata që të marrin pjesë në shumë ngjarje publike. Protesta më e madhe u mbajt në Hamburg, ku rreth 5,000 protestues kundërshtuan masat. Protesta kishte edhe në Frankfurt, Berlin dhe qytete të tjera gjermane.

Edhe në Utrecht të Holandës, qindra persona kundërshtuan masat që hynë në fuqi fundjavën e kaluar.

Qeveria holandeze ka rivendosur izolimin e pjesshëm për tri javë dhe ka ashpërsuar masat e tjera. Me masat në fuqi, të gjitha baret, restorantet dhe shumica e dyqaneve duhet të mbyllen në ora 17:00.

Dy javë më parë në Holandë kishte protesta të dhunshme pasi Qeveria prezantoi planet për të ndaluar të pavaksinuarit që të hyjnë në bare, restorante dhe vende të tjera publike. Këto plane hasën në kundërshti edhe në Parlament dhe nuk janë zbatuar ende.

Vala e katërt e pandemisë në Evropë vjen teksa varianti i ri, Omicron, që është cilësuar shqetësues, po detyron qeveritë në mbarë botën të vendosin masa kufizuese në udhëtime.

Shkencëtarët thonë se është ende herët për të përcaktuar nëse ky variant është më ngjitës, shkakton sëmundje më të rëndë apo nëse vaksinat nuk kanë efekt ndaj tij.

Zyrtarët shëndetësorë në Bashkimin Evropian kanë thënë se Omicroni ka gjasa të shkaktojë mbi gjysmën e rasteve të reja në Evropë në muajt e ardhshëm./REL

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish ministri dhe ish kryebashkiaku i Sarandës Stefan Çipa në SPAK (VIDEO)

Ish ministri dhe ish kryebashkiaku i Sarandës Stefan Çipa në SPAK (VIDEO)