Rreth 43% e shpenzimeve të bashkive nga burimet e veta shkojnë për paga, dhe sigurime, ndërsa 37% shkojnë për shpenzime operative.
Si rrjedhojë për investime kapitale mbetet të përdoret vetëm 20% e fondit nga burimet e vetë bashkive që përfshijnë të ardhurat nga taksat, tarifat e mbledhura nga shërbimet e ofruara.
Totali i shpenzimeve nga burimet e veta për 61 bashkitë e vendit arrijnë në vlerën e 58,3 mld lekëve sipas të dhënave të raportit të Institutit të bashkive. Krahasuar me vitin 2021 shpenzimet janë rritur 12%.
Nga totali i shpenzimeve 46,7 mld lekë janë përdorur për paga, sigurime dhe shpenzimeve operative, ndërsa shpenzimet kapitale arrijnë në vlerën e 11,6 mld lekëve. Në 2022 shpenzimet për paga dhe sigurime u shtuan 5% krahasuar me 2021. Rritje shënuan edhe shpenzimet operative 25%, ndërsa shpenzimet për investime u rritën 7%.
Pavarësisht se tendenca e shpenzimeve është e orientuar më tepër për fonde pagash, sigurime dhe shpenzimeve operative, sërish pushteti vendor në 2022 shpenzoi rreth 46% fonde (duke përfshirë edhe investimet kapitale) nga burimet e veta më tepër sesa arkëtuan nga burimet e tyre. Të ardhurat nga burimet e veta, duke përfshirë kategoritë, si nga taksat, tarifat dhe të ardhurat e tjera vendore për 2022 ishin në vlerën e 31,6 mld lekëve. Krahasuar me vitin paraardhës të ardhurat e arkëtuara u rritën 7%.
Gjatë vitit 2022, sipas sistemit informatik financiar të qeverisë (SIFQ), numri total i punonjësve faktikë për 61 njësitë e qeverisjes vendore rezultoi 36,663 punonjës. Krahasuar me vitin 2021, evidentohet një rritje me 1,859 punonjës më shumë.
35 nga 61 bashki të marra në analizë në raportin e Institutit të Bashkive, kanë shtuar numrin e punonjësve krahasuar me të njëjtën periudhë të vitit të kaluar, ku spikasin veçanërisht bashkia Shkodër (+427 punonjës), bashkia Tiranë (+389 punonjës), bashkia Kamëz (+190 punonjës) dhe bashkia Memaliaj (+132 punonjës).
Nga ana tjetër, vërehen bashki që kanë një trend në zbritje të numrit të punonjësve, ku veçohen bashkia Vorë (-33 punonjës), bashkia Roskovec (-13 punonjës) dhe bashkia Mallakastër (-10 punonjës). /Monitor
Lajme të tjera
-
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Nxitje punësimi/ 6 muaj këshillim për punë, me pagesë për grupet vulnerabël
8 Korrik, 20:07
-
Zaloshnja: Panorama statistikore e punësimit të banorëve të rritur në Shqipëri
17 Prill, 09:07
-
Lehtësi fiskale të rinjve të punësuar, një pjesë e tatimit mbi pagën do u kthehet mbrapsht! Taksim 23% vetëm për pagat mbi 250 mijë lekë
16 Prill, 16:26
-
Në 4 vite, 10 mijë të huaj morën leje pune në Shqipëri! Eksperti: Nuk përmbushin nevojat e tregut tonë, duhet të frenohet emigrimi
21 Shkurt, 15:44
-
A janë bizneset turistike shqiptare të orientuara drejt shërbimit të klientëve ndërkombëtarë?
21 Tetor 2023, 15:46
-
Paradoksi i shifrave, 77 mijë qytetarë kërkojnë punë, bizneset s’gjejnë dot punëtorë! AKPA: Shkak, pagat e ulëta dhe arsimi
18 Tetor 2023, 17:14
-
Importet e karburanteve rriten me 8-mujor, por nuk tejkalojnë 2021, ulen cigaret, rriten kafeja dhe birra
13 Tetor 2023, 07:14 -
Çmimet e larta ulin fuqinë paguese të familjeve! BSH: 37% e tyre marrin boxh për konsum
8 Tetor 2023, 20:26
-
Tetori 30 °C lë stok veshjet e vjeshtës, kërkohen të shkurtra! Tregtarja: Mallin do e paketojmë ta kemi për 2024-n
5 Tetor 2023, 17:11
-
Shpenzimet e familjeve në 2022 u rritën me 4.5%! INSTAT: Tirana, Korça e Durrësi harxhuan më shumë, Dibra e Kukësi më pak
5 Tetor 2023, 15:36 -
Banka e Shqipërisë: Bie me 2.4% besimi në ekonomi! Konsumatorët shqiptarë pesimistë për blerje të mëdha
2 Tetor 2023, 20:43
