POP 5

Lajmet më të lexuara të 5 minutave të fundit

Sociale

'5 ditët e UNESCO-s', aktivitete promovuese në Pogradec! Drejtoresha e muzeut: Do promovohen pikat historike dhe natyrore

5 vite pas përfshirjes së liqenit të Ohrit nën mbrojtjen e UNESCO-s, kanë nisur në Pogradec një sërë aktivitetesh që kanë për qëllim edukimin dhe promovimin  turistik e historik të zonës.

Kanë filluar në Pogradec “5 Ditët e UNESCO-s”, që përfshin një shumëllojshmëri aktivitetesh të ndryshme sportive, promovuese dhe edukuese.

Ky cikël aktivitetesh vjen në kuadër të 5 Korrikut 2019, ditës së pranimit të pjesës Shqiptare të Liqenit të Ohrit në UNESCO dhe synon të afrojë turistët dhe të rinjtë me monumentet e kulturës, natyrore si dhe të promovojnë zonat historike të rrethinave të Pogradecit.

“Kalendari i 5 ditëve të UNESCO, ka një grup aktivitetesh, të cilat synojnë të promovojnë, afrojnë dhe promovojnë të gjitha pikat e rëndësishme historike dhe natyrore, të cilat përfshihen në zonën e mbrojtur nga UNESCO. Dita e parë nisi me një guidë në zonën e mbrojtur nga UNECSO, dhe në zonën që quhet buferike”, tha drejtoresha e muzeut të Pogradecit.

Dita e parë e aktiviteteve nisi me një Guidë në Bazilikën Paleokristiane të Linit dhe hiking në këtë gadishull ku u bashkuan shumë të rinj e turistë.

“Ditët e tjera janë hiking në Tushemisht-Peshkëpi. Kemi sportet ujore që janë me datë 7-8 dhe 9. Vetëm dy muajt e fundit janë rreth 2 mijë turistë të huaj që janë Gjerman, Spanjoll, Francezë, madje dhe nga Uruguai. Vetëm këtu ku jemi”, tha drejtori i turizmit në bashkinë e Pogradecit.

Pjesë e trashëgimisë botërore në UNESCO-s në Pogradec janë dhe Bazilika e Linit, Varrezat Monumentale Ilire të Selcës si dhe Ura e Golikut.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Halaand humb shënjestrën, 2 gola në 7 ndeshje! Vuan nga ‘mallkimi’ i Artetës

Halaand humb shënjestrën, 2 gola në 7 ndeshje! Vuan nga ‘mallkimi’ i Artetës

25 Nëntor, 12:45