POP 5

Lajmet më të lexuara të 5 minutave të fundit

Kronikë

5-katëshi 'fantazmë' pa leje dhe pa pronar në Dhërmi, IKMT padit në prokurori zyrtarë të ‘Mbrojtjes së Territorit’ në Himarë dhe Vlorë, si dhe të policisë së Vlorës

Inspektorati Kombëtar i Mbrojtjes së Territorit ka kallëzuar sot penalisht zyrtarët e Inspektoratit të Mbrojtjes së Territorit në Himarë, Komisariatit të Policisë pranë kësaj bashkie, si dhe zyrtarët e Drejtorisë Rajonale Vlorë të IKMT për shpërdorim detyre.

VLORË- Inspektorati Kombëtar i Mbrojtjes së Territorit ka kallëzuar sot penalisht zyrtarët e Inspektoratit të Mbrojtjes së Territorit në Himarë, Komisariatit të Policisë pranë kësaj bashkie, si dhe zyrtarët e Drejtorisë Rajonale Vlorë të IKMT për shpërdorim detyre.

Ky kallëzim vjen një ditë pasi IKMT shembi me shpërthim të kontrolluar një ndërtesë 5-katëshe në Himarë që ishte ndërtuar pa leje në Himarë. Pallati 5-katësh që u shemb jo vetëm që është ndërtuar pa leje, por është edhe një pallat ‘fantazmë’, pasi IKMT pretendon se nuk e di se kush është pronari i ndërtesës.

Prej një viti ndërtimet kishin vijuar në këtë pallat, por IKMT pretendon se nuk dihet pronari. Por, ku ishin autoritetet e tjera shqiptare kanë qenë qorre më keq se vetë IKMT. Si ka mundësi që për këtë ndërtim pa leje nën hundën e  autoriteteve, inspektorët ndërtimorë, bashkia, strukturat e policisë, kryeplaku e deri autoriteti më i fundit në radhë, jo vetëm nuk e panë, por nuk dinë të thonë se cili është pronari i këtij ndërtimi? 

Policia dhe prokuroria kanë shumë rrugë për të shkuar drejt pronarit, ashtu siç mjafton të kërkohen kontratat që firma misterioze ka lidhur me kompanitë e materialeve të ndërtimit, hekur, beton, etj.

Mjafton të kërkohet se si është lidhur energjia elektrike për punimet në kantier, për të parë nëse ka një kontratë të rregullt me OSHEE, apo nëse vjedhja e energjisë me një burim të fuqishëm për të përballuar të tillë ndërtim (tension i lartë) do të jetë një tjetër akuzë që duhet të rëndojë mbi pronarin anonim. Policia dhe prokuroria duhet të investigojë në zyrat e hipotekës se në pronësi të kujt është toka mbi të cilën u ndërtuan 5 kate pa leje.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Manol: 12/12/2022 13:54

    Pyesni Drejtorin e Policise Himare ai e di, sepse ter beharin vinte verdall me pronarin e nderteses

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56