SHKODER- Gjykata e Apelit ka refuzuar kërkesën e avokatit duke lënë në fuqi masën e arrestit me burg për ish-drejtorin e Hipotekës, Zamir Leka, i cili u arrestua në fund të muajit shtator për korrupsion.
Leka apeloi vendimin e shkallës së parë duke kërkuar një masë me të butë, por Apeli e refuzoi duke e lënë në burg. Ai u arrestua në datë 25 shtator së bashku me juristen e ZRVPP, Frida Mirashi, e cila ndodhet në masën arrest shtëpie, ndërkohë që është liruar nga burgu sekseri Erjon Cubaj duke u lënë në detyrim paraqitje.
Drejtori Zamir Leka ndodhej në zyrat e Hipotekës në momentin e arrestimit. Leka u arrestua 10 minuta para përfundimit të orarit zyrtar të punës. Mbi Lekën dhe Mirashin rëndojnë akuzat e korrupsionit dhe shpërdorimit të detyrës gjatë kohës që kanë qenë në detyrë në këtë hipotekë.
Hetimet kanë nisur që më 30 gusht. Zamir Leka akuzohet se ka marrë në kundërshtim me ligjin shuma deri në 5 mijë euro. Leka mbante edhe oferta në pritje nga të interesuarit, dhe në momentin që merrte paratë, atëherë praktikat përkatëse i kalonte tek juristët e zonave.
Lajme të tjera
-
Artan Lame: Më zu goja lesh me këta burra me lesh
8 Gusht 2021, 20:16
-
2 punonjës të hipotekës në Korçë pozitivë me Covid
15 Tetor 2020, 13:38 -
Mbyllen zyrat e hipotekës në Pogradec, bashkëshorti i një punonjëse rezulton me Covid19
31 Gusht 2020, 19:39 -
Lëvizje në Hipotekën e Korçës! Shkarkohet drejtoresha, ja kush është komanduar në vend të saj
27 Gusht 2020, 16:33 -
Audit në Berat dhe Lezhë, KLSH: Hipoteka tjetërsoi ranishten e pyllin në tokë bujqësore, ia dha privatit
18 Shkurt 2020, 14:56 -
Ndryshime në kadastrën Shkodër! Shkarkohet kryetarja, ja kush e zëvendëson
6 Shkurt 2020, 16:06
