5 ministra lënë mandatin,
KQZ zëvendëson katër prej tyre

TIRANE- Pesë ministra të qeverisë Rama kanë dorëzuar në Kuvend kërkesën për heqjen dorë nga mandati i deputetit, duke bërë që të shkojë në 12 numri i ministrave që janë pa mandat deputeti në Kuvend. Ata që lanë mandatin janë ministrja e Mbrojtjes, Mimi Kodheli, ministri i Zhvillimit të Ekonomisë, Arben Ahmetaj, ministrja e Arsimit, Lindita Nikolla, ministri i Brendshëm Saimir Tahiri dhe ministri i Shëndetësisë, Ilir Beqaj. Pas kërkesës së tyre në Kuvend, institucioni ligjvenës i ka depoztiar Kqz këkresën për vakancat e krijuara për deputetët që do të pasojnë ministrat.

Dje Komisioni Qendror i Zgjedhjeve u mblodh për të bërë zëvendësimin e tyre me emrat që janë në listën shumemërore të zgjedhjeve parlamentare të 2013. Vendin e ministrit Arben Ahmetaj në Parlament e zë Dashamir Kamberi. Në vend të Ilir Beqajt do të ulet Esmeralda Shkjau. Mandatin e deputetit në vend të Tahirit e merr Erjeta Alhysa. Në vend të Lindita Nikollës ulet Blerina Gjylameti, ndërsa Mejreme Delishi ulet në vendin e lënë bosh nga ministrja Kodheli. Për deputetin që do të zërë vendin e ministrit Tahiri, KQZ ende nuk ka dhënë një vendim, pasi ende nuk ka shkuar kërkesa e Kuvendit për zëvendësimin e tij me deputetin pasardhës.

 Ndërkohë që në qarkun e Durrësit Edmond Panariti është i dyti në listën shumëemërore pas Lefter Kokës. Dhe sipas Kodit Zgjedhor i takon atij të marrë mandatin e deputetit. Por nëse Panariti do të heqë dorë nga mandati, si të gjithë ministrat e tjerë, i takon që deputet të jetë emri i tretë në listë pra Bujar Derveni. Deputetët e rinj pritet q ëtë betohën në Kuvend në seancës e ditës së shtunë. Javën e kaluar 7 ministrat, Edmond Haxhinasto, Milena Harito, Ilirjan Celibashi, Klajda Gjosha, Nasip Naço, Erjon Veliaj, Eglantina Gjermeni lanë mandatin e deputetit dhe u zëvendësuan me 7 deputetë të rinj.

Shkrimi u publikua sot (27.12.2013) në gazetën Shqiptarja.com (print)

Redaksia Online
(d.d/shqiptarja.com)

TAG:
• kqz