5062 shqiptarë u përgjuan në 2019, 15 zyrtarë humbën postin pasi fshehën të shkuarën si kriminel! Shqiptarja.com zbardh raportin

TIRANË- 5062 persona janë përgjuar në Shqipëri për llogari të hetimeve të Prokurorisë përgjatë vitit 2019. Report Tv mëson se këto përgjime janë bërë në kuadër të procedimeve penale përfshirë hetimet e ish- Krimeve të Rënda dhe Prokurorive të rretheve.

Kryesisht veprat penale për të cilat është lejuar përgjime kanë qenë, grupet kriminale, narkotrafiku, prostitucioni, korrupsioni dhe veprat penale të lidhura me terrorizmin.

Rezulton se vendimet e përgjiemve kanë qenë 2714 të tilla ndërsa burime për ReportTv bëjnë me dije se përgjimet nuk kanë përfshirë vetëm bisedat telefonike, por edhe rrjetet sociale dhe platformat e komunikimit. Në këtë raport të Prokurorisë tashmë të dorëzuar në parlament rezulton se ekstradimet kanë patur një numër të lartë 180 persona kryesisht shqiptarë të dërguar jashtë vendit ku kanë kryer krime dhe 157 të ekstraduar nga jashtë drejt Shqipërisë.

Ndalur tek ligji i dekriminalizimit rezulton se prokuroria ka marrë 204 kërkesa për verifikimin e të shkuarës së personave zyrtarë të lartë, politikan dhe të zgjedhur. Prej këtyre kërkesave 163 janë përfunduar, 15 emra kanë rezultuar me probleme për të cilët është kërkuar humbja e postit dhe janë proceduar penalisht për deklarim të rremë dhe 41 kërkesa janë mbartur për vitin 2020 dhe janë ende në shqyrtim.

Përgjatë 2019 rezulton se vepra penale e vrasjes ka pësuar një rritje përfshi ato me dashje e paramendim në krahasim me vitin 2018, 33 vrasje me dashje rezultojnë në 2019 kundrejt 30 për 2018. Vrasje me paramendim 49 kundrejt 47 të vitit 2018 dhe vrasja në rrethana cilësuese 36 kundrejt 25 të ndodhura në vitin 2018.

(Kliko këtu për të lexuar raportin e Prokurorise se Pergjithshme)

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Abc: 16/04/2020 01:11

    Pergjimet duhet ti beje policia se bashku me prokurorine dhe shikun...edhe 5000 veta jane pak,,duhen pergjuar 500 mije veta ne vit duke perfshire politikane,zyrtare dhe deputete...

    Përgjigju
  • Shiuuuu: 15/04/2020 20:02

    Neper bashki ka me qindra te denuar.

    Përgjigju
  • Selenice: 15/04/2020 16:22

    1/3 e këtyre duhete të jene vlonjete

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet