6 muaj burg se falsifikoi dokumentet për t'u bërë pjesë e KPA, Apeli i GKKO lë në fuqi dënimin për Luan Dacin! Flet ish-gjyqtari: Nuk largohem, kam 100 vota nga Parlamenti

Apeli në Gjykatën e Posaçme Kundër Korrupsionit dhe Krimit të Organizuar (GJKKO), ka lënë sot në fuqi dënimin me 6 muaj burg për ish-anëtarin e KPA, Luan Daci. Ish-anëtarit të KPA, Luan Dacit iu konvertua dënimi nga 6 muaj burg në shërbim prove. Daci u dënua për falsifikim dokumentesh për tu bërë pjesë e KPA.

Pas seancës vetë ish-gjyqtari Luan Daci ka sfiduar drejtësinë duke deklaruar se 'Nuk largohem, do bëj rekurs në Gjykatën e Lartë, kam 100 vota nga parlamenti'.

Gazetari i Report Tv, Arsen Rusta raporton se sipas vendimit, i cili tashmë është i formës së prerë, Daci s'duhet të shkojë më në zyrë, duhet të dorëzojë makinën dhe s'duhet të paguhet si anëtar i Kolegjit të Posaçëm të Apelit .

Luan Daci u dënua në seancën e zhvilluar më 1 dhjetor me 6 muaj burg, dënim i cili i konvertohet në 12 muaj shërbim prove. SPAK kishte kërkuar 1 vit burg. Vetë Daci e kishte paralajmëruar apelimin e vendim që kur u mor vendimi nga GJKKO. 

Sipas SPAK, gjyqtari Luan Daci ka falsifikuar dokumentacionin në momentin që aplikoi për t'u bërë pjesë e trupës së KPA-së. Në dokumentacionin e paraqitur në atë kohë nga gjyqtari i KPA ai fshehu faktin se kur ishte gjyqtar në gjykatën e Tiranës në 1997, KLD-ja me propozim të ministrit të Drejtësisë e shkarkoi nga detyra për shkelje të ligjit dhe paaftësi.

 

 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 08/03/2021 23:14

    Z.Daci,kur kuvendi t'i dha ato 100 vota,nuk i dinte sekretet e tua problematike.

    Përgjigju
  • Sondazhi i ditës:

    Jeni dakord me propozimin e Berishës që votimi të bëhet i detyrueshëm?



×

Lajmi i fundit

Rama nuk harron Hashim Thaçin: I munguar i madh në këtë sallë

Rama nuk harron Hashim Thaçin: I munguar i madh në këtë sallë