613 kg kokainë në Durrës/ Sekuestrohen llogaritë bankare të kompanive të Arbër Çekajt

“Forca e Ligjit” sekuestron disa llogari bankare në emër të kompanisë “Arbri Garden” shpk, të cilës iu sekuestruan 613 kg kokaine në 28 shkurt të këtij viti në Portin e Durrësit, si dhe subjektit “Ecoalmax” shpk, të dyja në pronësi të Arbër Çekajt.

Sipas task-forcës që heton grupet kriminale, e ngritur nga Ministria e Brendshme, vlera totale e llogarive të sekuestruar është rreth 38 mijë dollarë dhe mbi 10 milion lekë, që dyshohen si të përfituara nga aktiviteti kriminal i shtetasve të ndaluar nga Policia.

Në informacionin e detajuar nga Task-Forca, bëhet me dije se Departamenti i Policisë Kriminale, në bashkëpunim me Prokurorinë e Krimeve të Rënda po vijon hetimet intensive për këtë grup të dyshuar që operonte në fushën e trafikimit të drogave të forta.

Në 28 shkurt të këtij viti në një konteiner me banane, i ardhur nga Kolumbia si porosi e kompanisë "Arbri Garden", u gjetën në dyshemenë e dyfishtë të tij rreth 613 kg kokainë. Lënda narkotike u konstatua gjatë kontrollit në skaner. Në pranga u vunë menaxheri i kompanisë, Donald Lushaj dhe shoferi që do transportonte me kamion konteinerin nga Porti i Durrësit për në kapanonet e kompanisë në Maminas, ndërsa në kërkim u shpall pronari i "Arbri Garden", Arbër Çekaj, i cili ishte larguar ndërkohë në drejtim të Gjermanisë. 

Çekaj u arrestua në 4 maj në një provincë pranë Dusseldorfit nga policia gjermane, ndërsa në ndihmë të tyre për identifikimin e të kërkuarit, shkuan edhe dy efektivë të policisë shqiptare. Arbër Çekaj pritet të ekstradohet javët në vijim nga Gjermania në Shqipëri për t'u përballur me akuzat e drejtësisë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

LAJM I FUNDIT/ Qëllohet ndaj Donald Trump, plagoset në njërin vesh gjatë mitingut. Vritet atentatori!

LAJM I FUNDIT/ Qëllohet ndaj Donald Trump, plagoset në njërin vesh gjatë mitingut. Vritet atentatori!