POP 5

Lajmet më të lexuara të 5 minutave të fundit

Kronikë

613 kg kokainë në Durrës, Xhafaj: Arbër Çekaj nuk do të ekstradohet nga Gjermania

Ministri i Brendshëm Fatmir Xhafaj ka deklaruar sot se Arbër Çekaj që është i akuzuar në Shqipëri për sasinë 613 kg kokainë që u kap në Durrës nuk do të ekstradohet nga Gjermania

TIRANE-Ministri i Brendshëm Fatmir Xhafaj ka deklaruar sot se Arbër Çekaj që është i akuzuar në Shqipëri për sasinë 613 kg kokainë që u kap në Durrës nuk do të ekstradohet nga Gjermania. Ai nuk dha shumë detaje për vendimin, por shtoi se është cështje e hetimit mes policive të dy vendeve.

Ka një ndryshim, nuk është cështje ekstradimi, por hetimi të përbashkët, më tej i takon hetimit.

Fatmir Xhafaj

Arbër Çekaj është pronari i kompanisë “Arbri Garden” në kontenierët me banane të së cilës në fund të shkurtit të këtij viti u kapën edhe 613 kg kokainë që vinin nga Kolumbia. Burime për Report Tv pohojnë se Arbër Çekaj nuk do të ekstradohet në Shqipëri, pasi po hetohet në Gjermani për një tjetër sasi kokaine që është sekuestruar dhe që dyshohet se ky i fundit është i implikuar.

Të arrestuar për sasinë rekord që u kap në Durrës në shkurt janë vetëm; Armando Pezaku dhe Donaldo Lushaj, ndërsa janë sekuestruar dhe disa llogari bankare dhe dy biznese të reja të hapura nga të afërmit e Arbër Çekajt për të cilat hetuesit dyshonin se do përdoreshin për të tjetërsuar asetet.

Arbër Çekaj

Deklaratat për Arbër Çekajn, ministri i Brendshëm i bëri pas takimit me zv/ presidentin e Policisë Kriminale Gjermane Henzler. Xhafaj theksoi se mes dy policive po zhvillon operacione të përbashkëta për të goditur krimin. Dy palët kanë firmosur projektin ‘Orka’ për të luftuar krimin.

Ishim së bashku me zv/ Presidentin e Policisë Kriminale Gjermane, i cili prej tre ditësh është duke qëndruar në Shqipëri me një delegacion të lartë. Kemi pasur diskutime me mjaft interes, por edhe me pjesëmarrjen e agjencive ligjzbatuese që janë pjesë e Taks Forcës. Në këtë bashkëpunim me ndërkombëtarët, ai me policinë gjermane mund të konsiderohet një model. Bashkëpunim intensiv në shkëmbimin e informacionit, por edhe mbështetjen që po i japin Taks Forcës me asistencë teknike dhe logjistike.

Do të firmosim një projekt konkret, ‘Orka’, që do të jetë një mbështetje për fuqizimin e Policisë së Shtetit kundër krimit. Ne kemi disa operacione të përbashkëta, hetime mes policisë shqiptare dhe atyre të landeve, kemi disa operacione të suksesshme që janë realizuar dhe hetime të përbashkëta që janë diskutuar mes dy policive dhe janë të nivelit operacional që nuk i përkasin ministrit.

Fatmir Xhafaj

 Ndërkohë që zyrtari i lartë i policisë gjermane tha se Shqipëria ka hartuar një strategji mbresëlënëse për të goditur krimin.

Kemi një bashkëpunim shumë të mirë me Shqipërinë. Përmes projektit të Taks Forcës Speciale bashkëpunimi po forcohet akoma më shumë. Biseduam me ministrin për të bërë përpjekje për të luftuar autorët e krimit për ti cuar para gjyqit dhe për tu marrë fitimet nga veprimtaria kriminale.

Shqipëria ka hartuar një strategji mbresëlënëse, elementët profesionale japin një mundësi për ta luftuar krimin në mënyrë efikase. Ne kemi krijuar një Task Forcë në Gjermani që do të punojë ngushtë me atë shqiptare. Në Shqipëri krijova sigurinë se autoritetet janë në rrugën e duhur për të luftuar krimin. Zyra federale gjermane do të mbështesë Shqipërinë.

Zyrtari gjerman Henzler

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça