POP 5

Lajmet më të lexuara të 5 minutave të fundit

Kultura

7 poezi të përkthyera në 7 pjata, poeti: E provova dhe më shijoi jashtëzakonisht shumë

Një ambient gati idilik dedikuar tërësisht poezisë dhe artit të kuzhinës erdhi e ndërthurur në një mbrëmje të veçantë poetike verore në qytetin e Lezhës. Ideuar nga kuzhinieri i njohur Alfred Marku 7 poezi u prezantuan në 7 pjata të ndryshme plot ngjyra, ku artistët gjetën vetën bashkë me artëdashësit.

"Të servirësh poezi në pjatën e shijes së artit të kuzhinës”.  Kjo është ajo që i është serviruar publikut artëdashës të Lezhës ku tingujt, vargjet e krijimtarisë së poetëve Flutura Açka, Rita Petro, Preç Zogaj, Mhill Marku, Alma Jaku etj., u  bënë bashkë në një mbërmje të veçantë poetike....

7 poezi të përkthyera në 7 pjata të ndryshme janë prezantuar si një pikturë përmes shijes së artit te kushinës ku vetë autorët e poezive të përzgjedhura, e gjeten veten në pjatat që ju dedikoheshin secilit prej tyre.

 “E provova dhe më shijoi jashtëzakonisht shumë pasi e ka lidhur në mënyrë aq perfekte, fjalët e poezisë me shishin me levrek. Unë shkruaj për detin dhe poezia ime i kushtohet detit”, u shpreh poeti Mhill Marku.

 “Shef Fredi më kishte përgjedhur për ëmbëlsirën. Më pëlqeu që ishte ideuar nga luleshtrydhje, boronica dhe nga shurupi i pishës. Poezia ime titullohet art dhe shef Alfredi e kishte bërë vërtet art", u shpreh poetja Alma Jaku.

“Ja shikojeni, pjata ime është lëpirë pothuajse fare dhe aq shumë më pëlqeu. Ishte një përputhje e jashtëzakonshme midis poezisë sime dhe ajo që kishte përgatitur shef Alfred",u shpreh poetja Rita Petro.

Iniciativa e veçantë vjen nga Lezha, teksa ndjesia që përcillet në çdo varg ka frymëzuar  kuzhinierin e njohur Alfred Marku të krijojë pjata artistike.

”Pati një impakt të jashtëzakonshëm. Flasim për një risi në Shqipëri. Po flasim për diçka që nuk ka ndodhur asnjëherë këtu të marrësh një poezi e ta kthesh në një pjatë. Për shembull të marrësh Alma Jakun dhe po mendoja ku t’ja vendos pjatën e saj”, u shpreh kuzhinieri Alfred Marku.

Eventi i veçantë kishte për qëllim që të tregohej lidhja e fortë që ka poezia me ushqimin, por edhe promvimi i asaj çfarë ofron rajoni i Lezhës.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06