Nga i dënuar me "Vdekje me Pushkatim" për atentat të pretenduar ndaj Ramiz Alisë, në kryetar i Gjykatës së Vlorës dhe sot i shkarkuar me vendim të formës së prerë, për pasuri me burime të pajustifikuara. Kjo është historia e pazakontë e Skënder Halucit, ish kryetar i Gjykatës së Vlorës. Kolegji Ushtarak i Gjykatës së Lartë e kishte dënuar me vdekje Halucin me akuzën se kishte qenë pjesë e një plani për t’i bërë atentat Ramiz Alisë, gjatë turit të vizitave që ai bëri në vitin 1983 në veri të vendit. Ka pretendime se Ramiz Aliaj ndërhyri duke i falur jetën Halucit, i cili u dënua me 25 vite burg. Por, vetë Haluci, duke mohuar implikimin e tij në atentatin e pretenduar, ka pohuar se ai i shpëtoi pushkatimit, pasi në atë kohë ishin pushkatuar 6-7 veta në Has dhe Tropojë, çka kishte krijuar pakënaqësi në popull.
Skënder Haluci u emërua gjyqtar në Gjykatën e Vlorës në vitin 2011 dhe në vitin 2014, u promovua si kryetar i kësaj gjykate. Më 5 mars 2020, Komisioni i Vetingut (shkalla e parë) vendosi shkarkimin e Halucit nga detyra, me argumentin se nuk justifikon pasuri me vlerë rreth 70 milionë lekë ose 700 milionë lekë të vjetra. Gjyqtari kundërshtoi konstatimet e Vetingut. “Në moshën 23-vjeçare jam dënuar me vdekje nga regjimi i kaluar, kjo është më keq. Po më ngarkoni atë që nuk e kam bërë”, tha Haluci.
Gjyqtari Skënder Haluci e ankimoi vendimin e Kolegjin e Posaçëm të Apelimit. Me 27 tetor 2022, KPA la në fuqi vendimin e KPK-së, duke larguar përfundimisht Halucin nga drejtësia. Në vendimin e zbardhur ditët e fundit, rezulton se trupa gjykuese ka qenë e unifikuar për shkarkimin nga detyra të kryegjyqtarit të Vlorës. Trupi gjykues kryesohej nga Albana Shtylla, Sokol Çomo relator si dhe anëtare Mimoza Tasi, Natasha Mulaj dhe Rezarta Schuetz. KPA ka konfirmuar procedurën e ndjekur nga KPK-ja dhe përgjithësisht konkluzionet për pasurinë, që çuan në shkarkimin nga detyra të gjyqtarit Haluci.
Sipas dy vendimeve, KPK-së dhe KPA-së, Skënder Haluci nuk justifikon pjesërisht me burime të ligjshme të ardhurash, pasuri si: Lokal që e ka shitur në vitin 2003, dyqan me vlerë 60 mijë USD, tokë arë 890 m2 blerë në 1999, shtëpi 3 kate ndërtuar pa leje mbi një sipërfaqe tokë arë 1.400 m2, ku sipas KPK-së, gjyqtari ka deklaruar vetëm tokën në vlerë deklaruar në vlerën 140.000 lekë. Sipas KPK-së, pasuria, toka dhe ndërtesa kanë një vlerë prej 37,945,600 lekë ose rreth 350 mijë USD, që është fshehur nga gjyqtari.
Gjithashtu, sipas organeve të Vetingut, Haluci nuk justifikon apartament 106 m2 në Tiranë, në emër të bashkëshortes, blerë me çmim favorizues 1,600,000 lekë, në vitin 2003, kur vlera reale është gati 3 herë më e lartë, si dhe apartament 65 m2 në Tiranë, blerë në vlerën 3,000,000 lekë, në vitin 2000,
Gjithashtu, Haluci nuk justifikon shkollimin e vajzës në SHBA për vitet për vitet 2012 – 2014, shuma të konsiderueshme cash, nuk justifikon ‘Mercedes Benz”, viti i prodhimit 2000, blerë për 400 000 lekë, makinë “Jaguar X TYPE”, viti i prodhimit 2004, blerë 450,000 lekë. Nuk ka deklaruar një makinë Benz të blerë në 2012 për 200 000 lekë dhe shitur në 2016 për 500 000 lekë.
Tabela e analizës së pasurive të Skënder Halucit
Komente
Lajme të tjera
-
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Apeli i GJKKO-së i përgjysmon dënimin Ardian Hajdarit, ish-anëtarit të Kolegjit të Posaçëm të Apelimit! Akuzohet për fshehje dhe mosdeklarim pasurie (VENDIMI)
18 Nëntor, 12:21 -
KPA konfirmon shkarkimin e gjyqtares së Apelit në Tiranë, Evjeni Sinojmeri
14 Nëntor, 16:43 -
KPA konfirmon shkarkimin e prokurores së Kurbinit, Ajola Prençi
14 Nëntor, 11:18 -
KPA u thotë 'stop' gjyqtarëve dhe prokurorëve: Nuk kemi tagër të rishikojmë vendimet tona të shkarkimit
14 Nëntor, 10:47
-
Nuk justifikoi dot 7,1 mln lekë, Vetingu i KPA shkarkon gjyqtaren e Lushnjës! Mbetet në fuqi vendimi i KPK për Saemira Hilën
12 Nëntor, 16:41 -
KPK konfirmon në detyrë si Prokurore e Tiranës motrën e Ermonela Felajt
8 Nëntor, 21:49 -
Buxheti 2025 rrezikon të fusë në ngërç tranzicionin e procesit të Vetingut
8 Nëntor, 18:09 -
Prokurori Lazër Çardaku jep shpjegime për pasurinë
7 Nëntor, 20:57
-
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50 -
KPA lë në fuqi shkarkimin e prokurorit të Sarandës, Lorenc Mërkuri
26 Tetor, 21:51 -
KPK e shkarkoi gjyqtaren Matilda Shalla më 2022 për shkak të pasurisë, Vettingu i KPA lë në fuqi vendimin për magjistraten e Fierit
23 Tetor, 16:34
90% e gjyqtareve shqiptar me toke are prft nga ligji 7501...Zot na ruj c'katunari e paska gjyku ket ven!
Përgjigju