“Në kushtet kur kemi një gjykatë Apeli të Juridiksionit të Përgjithshëm në Tiranë kërkojmë pranë kësaj gjykate përshpejtimin e gjykimit të çështjes pasi unë kërkuesi jam sot 81 vjeç, ndërsa dy vëllezërit e mi janë nga 90 vjec, e po kështu të moshuar janë edhe paditësit e tjerë familjarë të mi. Ne dëshirojmë që e drejta jonë civile të gjykohet shpejt dhe drejt përsa kohë ende jemi në jetë”.
Kjo kërkesë, drejtuar gjykatës se apelit nga një 81-vjeçar që kërkon të gëzojë pronën e tij sa është ende gjallë, kërkesë e cila në një vend tjetër të Evropës do të dukej absurde, shpjegon problemin më madhor të sistemit të drejtësisë në vend që përmblidhet më postulatin ‘drejtësi e vonuar, drejtësi e munguar”.
"A do na bëni gjyqin në këtë botë apo kur të vini atje? Për shembull mund të jetë për sëmundjet e rënda dhe kërkon zgjidhje civile, me qëllim që atë aset atë send të patundshëm ta kthejë në para dhe këto para të shërojnë dhe të shpëtojnë jetë njeriu. Aplikohet kjo kërkesë për përshpejtim dhe natyrisht kjo merret në analizë dhe dhomë këshillimi duke thënë të dalë nga rendi i radhës së gjykimit", ka treguar për Report Tv, avokati Bashkim Nikolla.
Në një sondazh të publikuar në Report Tv të mërkurën, 75% e qytetarëve shqiptarë, pra 3 në 4 të tillë, shprehen të pakënaqur me funksionimin e gjykatave dhe prokurorive në qarqet e vendit.
Mungesa e gjyqtarëve dhe prokurorëve për shkak të vettingut, që mes të tjerash solli edhe uljen e numrit të gjykatave në vend, e bëri më të vështirë aksesin në drejtësi.
:"Sa të vijë ai nga një seancë në një seancë gjyqtari i shkallës së par është i ngarkuar. E bëjmë në Janar seancën e parë, seanca e dytë i bie në Maj se ka të tjerat. Nga Maji shkon në Korrik, filluan pushimet. Shkojmë në shtator dhe erdhi viti i ri, nga ana fare formale dhe ekzakt kjo",u shpreh avokati.
Pronat, si në rastin e të moshuarve nuk i vetmi problem madhor, por në gjykatat civile në vend po shikohet si mision i pamundur për çiftet të divorcohen ligjërisht, ndonëse kane vite që i kanë dhënë fund lidhjes.
"Ne një proces që unë kam pasur për të marrë një datë për një zgjidhje martese ka qenë mbas një viti",tregoi një avokat.
"Kam një rast, po mbush dy vjet, ka dalë vetëm emri i gjyqtares dhe ende nuk po ndahen ata që në fakt janë ndarë",- rrëfeu Nikolla.
Por tortura nuk qëndron vetëm te datat e gjyqit apo dhe të shpallja e vendimit, zbardhja e tij nga gjyqtarët brenda një afati ligjor, në mënyre që palët ta zbatojnë apo ta apelojnë, është një sfidë më vete.
"Zbardhja mund të vonojë 4, ka vonuar dhe 5-6 muaj. Gjykatësi vetë kur ka edhe një mijë çështje që i ka gjykuar apo hetuar në vit, nuk i del koha as përtë arsyetuar vendimin dhe ose i merr copy paste e për një vendim që do një faqe, bën 20 faqe. Kur e shikon s’ka lidhje me atë",-deklaroi avokat nIkolla.
Pra mesatarisht me këto ritme dhe me këtë numër të pakët gjyqtarësh një çështjeje civile do t’i duheshin 10 vite që të gjykohet në të gjitha shkallët e gjyqësorit, dhe jo në pak raste qytetarët ikin nga kjo jetë pa përfituar një të drejte që u takon ligjërisht.
Shkak për këtë situate vijon te mbetet numri i pakët i gjyqtarëve si pasojë e daljes nga sistemi të qindra prej tyre nga vetingu, ndërsa numri i dosjeve vijon të shtohet çdo ditë.
Në të gjithë vendin mungesat janë shumë të mëdha, në radhët e gjyqtarëve duhen rreth 200 të tillë që të plotësohet organika, ndërsa në prokurori kërkojnë mbi 120 të tillë.
Në Gjykatën e Tiranës janë aktualisht për tu gjykuar 22 mijë dosje ndërsa numri i gjyqtarëve është 55 nga 80 që duhet të jetë sipas organikës. Në gjykatën e apelit të juridiksioni te përgjithshëm janë aktualisht 25 gjyqtarë nga 78 që duhet të jenë ne organikë ndërsa numri i dosjeve që duhet të gjykojnë ka kapur shifrën e rreth 40 mijë çështjeve. Një situatë e ngjashme është edhe ne Gjykatën e Lartë ku janë në pritje të gjykimit 22. 500 çështje ndërsa numri i gjyqtarëve vetëm pak muaj me parë u plotësua.
Komente
Lajme të tjera
-
Eduard Zaloshnja: Vetëm 40.6% të kënaqur me qeverinë, por vetëm 32.4% votojnë sot për PD-në
15 Nëntor, 14:40
-
Sondazhi në Report Tv/ Nëse zgjedhjet mbahen sot, Rama ‘korr’ mandatin e 4! Rikthimi i Trump nuk 'shpëton' Berishën nga non grata! 73.5% e quajnë dështim mosbindjen civile të PD
14 Nëntor, 21:08 -
Zgjedhjet 2025/ Sondazhi në 'Repolitix' për qarkun e Tiranës: PS afër 19 mandateve, PD merr vetëm 12 mandatet e listës së mbyllur, për partitë e reja 5-6 mandate
30 Tetor, 21:04 -
Martin Leka për sondazhin e Report TV: Më duket realist! Opozitës i duhet kauzë që të mundë Ramën dhe ajo s’është Sali Berisha! Radikalizohen se s’kanë mbështetje në popull
18 Tetor, 15:08 -
Eduard Zaloshnja: 70.5% opinion pozitiv për Qeverinë dhe PD-në, por vetëm 19.5% e votave për partitë e vogla
18 Tetor, 13:36
-
Sondazhi në Report Tv/ Nëse votohet sot, Rama merr mandatin e katërt, 70% e shqiptarëve kundër ‘Mosbindjes Civile’ të Berishës, Meta ‘tatëpjetë’, jo më forcë e tretë
17 Tetor, 21:03 -
Vrau me armë vëllanë në Lushnjë pas konfliktit për tokën më 6 Mars, Prokuroria Fierit çon në gjyq 77-vjeçarin! Historia e konfliktit të pronësisë
16 Tetor, 09:50 -
Kosovë/ Prokuroria bastis Ministrinë e Mjedisit, 2 të dyshuar për korrupsion dhe fshehje pasurie! Sekuestrohen kompjutera dhe dosje
8 Tetor, 22:21 -
Atentati i dyshuar ndaj Trump, Prokuroria e SHBA: Ryan Routh nën akuzë për përpjekje për të vrarë një kandidat për president
25 Shtator, 09:18 -
U kap me 3 kg kokainë në Angli, Prokuroria e Kukësit kërkon konfiskimin e 3 pasurive të Fatjon Dautit, 'krahut të armatosur’ të Berishës! Shkallmoi derën e PD më 2021
20 Shtator, 13:28 -
Skandali me diplomat e Universitetit Wisdom, Prokuroria e Tiranës nis hetimet për falsifikim! Kallëzime nga pronari italian dhe rektori shqiptar, sekuestrohen dokumente
19 Shtator, 12:38 -
Eduard Zaloshnja: Policia, prokuroritë e gjykatat duhet të jenë në sintoni të plotë kundër krimit!
21 Gusht, 10:28
Cdo gje eshte koncentruar ne Spak dhe keto te tjerat kane mbetur te korruptuara sic ishin dhe me keq dhe vazhdojne grabitjen e njerezve dhe te pronave ne menyre kriminale pa u trembur nga askush!Nuk ka shanse qe te behet ky vend!
PërgjigjuDhe sikur te mos mjaftonin keto,duhen shtuar mungesat e gjyqetareve /per nje rufe e te prera barku/ e te ngjashme dhe mos patje gjykatash e prokurorish ne disa qytete, fale reformes gjyqesore qe katranosen! Nuk do te ishte keq te punesoheshin gjyqetare te huaj.Verzhguesit e huaj te Vetingut kane treguar profesionalizem te larte edhe pse kishin te benin me kode e sisteme te ndryshme nga te vendeve te tyre.Per mendimin tim.ABC baze e sist.te drejtesise e ligjet e saj jane te njejta ose te ngjashme kudo ne bote.Me nje kurs plepash 6 mujor ne beme karrocieret gjykates,pse te mos bejme nje kurs edhe per gjyqetare te huaj qe jane profesioniste te vertete dhe ky te jete thjesht kurs pershtatjeje me ligjet e vendit?! Jemi ne situate emergjente ne drejtesi qe kerkon masa po aq emergjente,po aq drastike.
PërgjigjuKemi qe ne 2017 ne apel...katastrofe...e nuk kemi shprese dhe per ca vite minimumi...asnje date jo me seance....po na mohohet e drejta baze...askush nuk e can menderen...behet qellimisht...nese nuk ka gjyqtare pse nuk e ndalojne oerkohesisht vetingun?
PërgjigjuDrejtesi leshon thuaj ????
Nje gje eshte e sigurt: shkaterimi I sistemit te drejtesise. SpaKu nuk eshte sistemi I drejtesie. Eshte nje pjese e tij