POP 5

Lajmet më të lexuara të 5 minutave të fundit

Opinion

8 dhjetor, në mëngjes janë konservatorë e në dark revolucionarë!

Dëgjova fjalimin përballë të ashtuquajtur "rinia demokratike", edhe pse në rreshtin e parë ishin po ata që kanë qenë në fillim të viteve '90, por me një dallim të thellë moshe, sepse atëherë ishin 30 ose 40 vjeç e sot, janë 60, 70 e thuajse 80 vjeç!

8 dhjetor, në mëngjes janë konservatorë e në dark revolucionarë!

Sali Berisha

Dëgjova fjalimin përballë të ashtuquajtur "rinia demokratike", edhe pse në rreshtin e parë ishin po ata që kanë qenë në fillim të viteve '90, por me një dallim të thellë moshe, sepse atëherë ishin 30 ose 40 vjeç e sot, janë 60, 70 e thuajse 80 vjeç! Nuk e di se sa të rinj shqiptarë ose shqiptarë pa dallim moshe janë akoma dakord me një fjalim të tillë që në fakt bën thirrje për hakmarrje dhe politikën e kthen në çështje personale? Dialektika e përdorur nga ai që në 90 ishte 40 vjeç e pas 30 vitesh  është thuajse 80 vjeç i përket një epoke të kaluar. Ishte e dhimbshme kur pash që disa me të vërtetë të rinj në moshë, por të vjetër në mendësi, sot në atë sallë ekzaltoheshin me fjalimin e nxitjes për hakmarrje! Ka një problem të madh me ata që e konsiderojnë veten përfaqësues të PD e kjo lidhet pikërisht me leksikun e fjalorin gjuhësor që përdorin: për shembull fjala revolucion është një term që nuk përdoret nga parti të djathta e sidomos konservatore, por ju referohet partive të majta, të cilat me një ideologji në fillimin e shekullit të XIX  kërkonin ndryshime e përmbysje thelbësore sociale e politike! Kanë probleme leksikut edhe me shumë fjalë të tjera si: liri, liri a vdekje, sovranitet, liberal, vdekje, hakmarrje!

Kjo vjen për faktin se në 30 vjet këta dështuan të krijonin një dialektikë të shëndoshë të djathtë e për pasojë një forcë politike të djathtë të shëndoshë! Këta janë në antagonizëm të vazhdueshëm me veten, sepse në mëngjes zgjohen si konservatorë, pasdite në revolucionarë e në darkë liberal! Problemi i tyre është se nuk kanë një identitet të qartë politik, por janë kameleon politik e tashmë shumica e shqiptarëve i ka njohur e prandaj nuk kanë më as mbështetje e vazhdojnë çdo ditë e më shumë të braktisen duke mbetur një klub që kanë humbur lidhjen me realitetin e janë egocentrik duke menduar vetëm për pushtetin dhe për mundësitë e tyre domuniese në politikë dhe në shoqëri.

"Dita e Rinisë" është kthyer një instrument politik propagandist që shërben vetëm për të ngacmuar nostalgjinë e atyre që erdhën në vitet '90 në emër të rinisë e sot nuk pranojnë as të largohen në emër të pleqërisë duke e lënë Shqipërinë në duart e Rinisë, të asaj rinie që s’ka lidhje me fjalët revolucion, hakmarrje, vdekje, armik, xhelat, bir xhelati, etj! Në sallën e rinisë kishte mes të tjerëve edhe  fëmijët e ish liderëve të kesaj partie për shkak të trashëgimisë e ndërsa fëmijët e familjeve të persekutuara nuk janë në atë sallë, por shumë prej tyre kanë vendosur të mos jenë më as në Shqipëri, sepse kjo e fundit është bërë shoqëri dominuese e dinastive politike. Ndoshta kam të drejtë kur them se "këta" kanë probleme me fjalorin politik që përdorin, sepse kërkojnë revolucion, term tipik bolshevik e në fakt vetë janë model dinastie duke u prezantuar si monark!

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

25 Dhjetor, 16:37